Mae'r Uned DPP yn ennill 24 o ddyfarniadau Cydymffurfiaeth a Mwy mewn asesiad Rhagoriaeth Gwasanaeth Cwsmer

Mae gwasanaeth cwsmeriaid rhagorol wrth wraidd popeth a wnawn. Rydyn ni’n falch iawn ein bod wedi ennill 24 o nodau cydymffurfio Compliance Plus yn ein hasesiad Rhagoriaeth Gwasanaeth Cwsmeriaid^® (CSE^®), ein canlyniad gorau erioed sy’n dangos bod ein safonau uchel yn parhau o hyd o ran gofal i gwsmeriaid.

Mae CSE^® yn gynllun asesu trylwyr, gyda chymorth gan Swyddfa’r Cabinet, ac mae’n cynnwys 57 o safonau ar draws pum maes allweddol o wasanaeth i gwsmeriaid.

Mae cyrraedd y safon CSE^® yn golygu cwblhau cais a choladu cynhwysfawr o dystiolaeth ategol yn flynyddol, ac yna asesiad diwrnod o hyd. Er mwyn ennill y safon, rhaid i sefydliadau basio pob un o’r 57 safon; Os ydynt yn dangos cyflawniadau y tu hwnt i’r trothwy gofynnol, gellir dyfarnu ‘Compliance Plus’ i sefydliad ar gyfer y safon honno.

Rydyn ni wedi gwella bob blwyddyn, gan gynyddu ein safonau nod cydymffurfio o 15 yn 2020 i 24 yn 2023. Rydyn ni’n falch iawn o ddal cymaint o nodau cydymffurfio, gan ei fod yn dangos pa mor galed rydyn ni’n gweithio i ddarparu profiad rhagorol i’n holl gwsmeriaid.

Drwy gydol y flwyddyn, rydyn ni’n gosod mesurau heriol ar gyfer pob agwedd ar ein gwaith, gan gwrdd yn rheolaidd fel tîm i drafod profiadau a disgwyliadau cwsmeriaid, a rhannu gwybodaeth ac arferion da. Rydyn ni’n monitro’n gyson yr hyn sy’n gweithio a’r hyn y gellid ei wella.

Mae’r broses gydweithredol hon yn hynod werthfawr i sicrhau bod pob aelod o’r tîm yn teimlo eu bod wedi’u grymuso i wneud newidiadau neu welliannau i gynnal lefel ardderchog o wasanaeth i gwsmeriaid. Yn 2023, cawsom gyfle i gynnal diwrnod tîm, gan roi amser i archwilio ein gwasanaeth mewn ffordd gynhyrchiol ac anffurfiol.

Rydyn ni’n esblygu’r ffordd rydyn ni’n gweithio gydag Ysgolion academaidd, gan gynghori, hyfforddi, ac mewn sawl achos eu helpu i wella profiad y cwsmer drwy symleiddio a dadansoddi’r broses archebu a rheoli cyrsiau.

Rydyn ni’n gweinyddu archebion ar gyfer llawer o’r gweithgarwch DPP a ddarperir gan Ysgolion ar draws y Brifysgol. Rydyn ni hefyd yn cefnogi unedau ymchwil fel y Ganolfan Datblygu a Gwerthuso Ymyriadau Cymhleth ym maes Gwella Iechyd y Cyhoedd (DECIPHer) i gynnig cyfres flynyddol o gyrsiau DPP.

Cysylltwch â ni

Os hoffech chi drafod sut y gallen ni weithio gyda'ch sefydliad i ddarparu datblygiad proffesiynol i'ch tîm, cysylltwch â'n tîm cyfeillgar: