Modiwl cyfrwng Cymraeg newydd sydd yn canolbwyntio ar reoli busnes ar gyfer busnesau bach a chanolig

Mae’r modiwl cyfrwng Cymraeg cyntaf o’i faith erioed sy'n archwilio rheoli busnesau bach wedi’i lansio yn Ysgol Busnes Caerdydd, gan ganiatáu i fyfyrwyr a staff gymryd rhan mewn dysgu ac addysgu Cymraeg.

Caiff ei ddysgu i fyfyrwyr israddedig blwyddyn olaf sy'n astudio Rheoli Busnes (BSc), a chafodd y modiwl dewisol 'Rheoli Busnesau Bach' ei gyflwyno gyntaf yn ystod semester Gwanwyn 2024.

Mae cyflwyno'r modiwl yn unol â Strategaeth y Gymraeg Prifysgol Caerdydd, sy'n cynnwys croesawu diwylliant Cymraeg a sicrhau bod mwy o fyfyrwyr yn gallu astudio drwy gyfrwng y Gymraeg. Mae hefyd yn rhan o ymdrech ehangach i ymgorffori addysgu Cymraeg yn Ysgol Busnes Caerdydd ac mae'n cydnabod ein rhwymedigaethau i Gymru fel prifysgol y brifddinas.

Meddai'r Athro Eleri Rosier, sy'n dysgu ar y modiwl:

Wrth greu'r modiwl, mae staff wedi datblygu adnoddau ym maes rheoli, marchnata, arweinyddiaeth a chyfrifeg. Bydd yr adnoddau newydd hyn yn helpu myfyrwyr i:

1. Asesu'r pwysau cystadleuol, sefydliadol a rheoleiddiol sy'n wynebu rheolwyr busnesau bach.
2. Gwerthuso sut mae llywodraethau Cymru a'r DU yn effeithio ar yr amgylchedd lunio busnesau bach.
3. Deall sut mae rheolwyr busnesau bach wedi mynd i'r afael â heriau ar draws pynciau fel cyllid, strategaeth, cydymffurfiaeth reoleiddiol, arloesi a marchnata.
4. Ennill sgiliau a gwybodaeth sy'n drosglwyddadwy i reoli busnesau bach a chymhwyso gwybodaeth a addysgir i fusnes bach yng Nghaerdydd drwy asesiad astudiaeth achos.

Mae adborth myfyrwyr am y modiwl wedi bod yn bositif. Dywedodd un myfyriwr:

"Dewisais y modiwl Rheoli Busnes Bach oherwydd fy mod i wedi gwneud fy addysg trwy’r iaith Gymraeg ac roedd hwn yn gyfle i mi ymarfer yr iaith trwy adnoddau darllen a sgwrsio yn y darlithiau. Dewisais y modiwl hefyd oherwydd mae gen i aelodau o’r teulu sy’n berchen a busnesau bach eu hunain. O ganlyniad, bydd gwella fy ymwybyddiaeth am fusnesau bach yn fy helpu yn y dyfodol... Rwyf yn gwerthfawrogi’r ffaith fod gen i gyfle i ddewis cwrs ble gallai dysgu fwy am elfennau hanfodol fel cyllid, strategaeth, arloesi, marchnata a sut mae nodweddion arferion rheoli penodol mewn busnesau bach yn cael eu heffeithio gan amgylcheddau sefydliadol a'r farchnad."

Mae staff Ysgol Busnes Caerdydd sy'n ymwneud â datblygu'r modiwl yn cynnwys:

• Yr Athro Eleri Rosier
• Dr Leon Gooberman
• Dr Robert Bowen
• Dr Kevin Evans
• Yr Athro Kevin Holland

Ar gyfer myfyrwyr sy'n dymuno astudio'r Gymraeg a'i diwylliant ochr yn ochr â phrif elfennau gradd Rheoli Busnes, mae Prifysgol Caerdydd hefyd yn cynnig y rhaglen radd Rheoli Busnes gyda'r Gymraeg (BSc).