Cylchlythyr Chwarter 3 2023
11 Hydref 2023
Cofrestrwch ar gyfer Gweithdy Mynegiant Genynnol
Rydyn ni’n edrych ymlaen at gynnal ein gweithdy Mynegiad Genynnol blynyddol gan Thermo Fisher Scientific wyneb-yn-wyneb ym mis Tachwedd ar safle Parc Cathays Prifysgol Caerdydd.
Gallwch chi bellach gofrestru i gadw eich lle. Gweler y manylion a’r ddolen isod:
Dyddiad: Dydd Mawrth, 21 Tachwedd
Amser: 9.30am – 1pm
Lleoliad: Ystafell Bwyllgora 1, Adeilad Morgannwg, Rhodfa'r Brenin Edward VII, Caerdydd CF10 3WA
Yn y gweithdy hyfforddi hwn, cewch gyflwyniad i fynegiad genynnol, paratoi samplau a gweithdai ar adwaith cadwynol polymeras amser real (qPCR) a thechnoleg microarae sy’n cyflwyno’r dechnoleg hon, sut i’w defnyddio a’r broses ddadansoddi.
Bydd Thermo Fisher Scientific hefyd ar gael ar ôl y gweithdy i ateb unrhyw gwestiynau neu gael sgwrs un-i-un.
Mae’r gweithdy'n rhad ac am ddim. Mae'n agored i ymchwilwyr tu mewn a thu allan i Brifysgol Caerdydd, ac mae'n addas i ymchwilwyr â phrofiad o bob math o'r dechnoleg hon, gan gynnwys dechreuwyr. Os bydd gennych chi unrhyw gwestiynau ynghylch y gweithdy hwn, mae croeso i chi gysylltu â ni.
Gweminarau Cytometrg Llif
Diddordeb mewn defnyddio adnoddau arbenigol ym maes Cytometreg Llif?
Wyddoch chi fod llyfryn newydd ar gael sy’n manylu ar yr holl adnoddau a rennir ym maes cytometreg llif ar draws GW4? Offer sy’n cynnig arbenigedd technegol ategol ym mhrifysgolion GW4 (Caerfaddon, Bryste, Caerdydd a Chaerwysg) yw’r adnoddau a rennir. Gall ymchwilwyr ar draws GW4 a thu hwnt, gan gynnwys partneriaid masnachol, eu defnyddio. Cliciwch yma i lawrlwytho'r llyfryn a chael gwybod am yr hyn sydd ar gael i chi. Mwynhewch y darllen!
Diwrnod defnddwyr 10x Genomics ym Mhrifysgol Caerdydd
Roedd hi’n wych gweld cymaint o bobl yn Niwrnod Defnyddwyr 10x Genomics yn ddiweddar ym Mhrifysgol Caerdydd. Yn rhan o’r diwrnod, cafwyd cyflwyniadau gan ymchwilwyr o Brifysgol Caerdydd a 10x Genomics, gan roi trosolwg trylwyr i bawb o'r technolegau pwerus hyn.
Diolch i'r holl gyflwynwyr a threfnwyr.
Mae digon o gysylltiadau ym Mhrifysgol Caerdydd sy'n ymwneud â'r technolegau hyn. Os hoffech chi ddefnyddio a chael gwybod rhagor am y technolegau hyn, mae croeso i chi anfon ebost atom ni.
