Gwobrau Cynfyfyrwyr (tua)30 2023 bellach ar agor ar gyfer enwebiadau
31 Mai 2023
Mae enwebiadau ar gyfer Gwobrau Cynfyfyrwyr (tua)30 - sy'n dathlu cynfyfyrwyr ysbrydoledig y Brifysgol (tua)30 oed - bellach ar agor.
Gwahoddir cynfyfyrwyr, staff, myfyrwyr ac aelodau o gymuned ehangach Caerdydd i rannu straeon ysbrydoledig am gynfyfyrwyr sy'n torri tir newydd ac yn chwalu ffiniau sy'n enghreifftio'r hyn y mae'n ei olygu i astudio yng Nghaerdydd.
Yn sgîl llwyddiant Gwobrau 2022, mae’r Gwobrau (tua)30 yn ôl ar gyfer 2023 i ddathlu a rhannu stori'r rhai sy'n rhoi newidiadau ar waith, yr arloeswyr a'r rhai sy'n torri rheolau yng nghymuned cynfyfyrwyr Prifysgol Caerdydd.
Bydd y rhai yn rownd derfynol (tua)30 oed sydd wedi gwneud cyfraniad cadarnhaol at eu cymuned cyn troi’n 30 oed yn cael eu dathlu. Wel, (tua)30 oed.
Mae'r enwebiadau bellach ar agor, felly p'un a ydych chi'n rhoi eich hun ymlaen, neu'n gwybod am newidiwr gêm arall rydych chi'n credu sy'n haeddu cydnabyddiaeth, mynnwch eich enwebiad cyn dydd Llun 24 Gorffennaf.
Mae Jasper Wilkins (BA 2017) yn gynhyrchydd, newyddiadurwr a ffotograffydd arobryn, a gafodd ei gydnabod y llynedd am hyrwyddo hygyrchedd trwy ei waith yn UKTV.
Bydd pawb sy'n cyrraedd y rownd derfynol yn cael eu gwahodd yn ôl i Gaerdydd ar gyfer y digwyddiad Gwobrau 30(ish) ddydd Iau 5 Hydref, a gynhelir gan Llywydd ac Is-Ganghellor newydd y Brifysgol, yr Athro Wendy Larner. Ni fydd angen i chi wisgo'r tei du traddodiadol - prif ddiben y digwyddiad yw rhwydweithio â phobl alluog o’r un anian.
Y llynedd, cafodd dros 30 o gynfyfyrwyr eithriadol eu cydnabod gyda gwobrau am arloesi, creadigrwydd, gwaith cadarnhaol yn eu cymuned neu ar gyfer yr amgylchedd, a rhagoriaeth yn eu maes. Ar y noson, pleidleisiodd enillwyr dros dderbyn gwobr 'Dewis y Bobl'. Enillwyd hyn ar y cyd gan Jessica Mullins (BSc 2011), a arweiniodd dîm i rwyfo 3,000 milltir ar draws yr Iwerydd a Dr Samyakh Tukra (MEng 2017), a greodd system AI sy'n darparu system rhybudd cynnar ar gyfer methiant organau. Darllenwch am yr holl enillwyr y llynedd.
