Academydd yn rhannu arbenigedd gydag Adolygiad Ffyrdd Cymru

Mae’r Athro Andrew Potter o Ysgol Busnes Caerdydd wedi bod yn rhan o banel ar gyfer Adolygiad Ffyrdd Cymru, polisi arloesol a oedd yn ailasesu cynlluniau adeiladu ffyrdd yn erbyn cyfres o brofion llym ar eu heffaith ar argyfwng yr hinsawdd.

Ar ôl 17 mis o ddadansoddi, cyfarfodydd ac ymweliadau safle, dychwelodd y panel, a oedd yn cynnwys wyth aelod, ei ganfyddiadau. Cyhoeddwyd yr adroddiad ddydd Mawrth 14 Chwefror pan roddodd y Dirprwy Weinidog dros Newid Hinsawdd, Lee Waters, araith yn y Senedd.

Mae’r adroddiad yn dweud y dylai ffocws adeiladu ffyrdd fod ar leihau allyriadau carbon, nid cynyddu capasiti ffyrdd, cynyddu allyriadau nac effeithio’n andwyol ar safleoedd ecolegol werthfawr.

Dywedodd Llywodraeth Cymru ei bod wedi 'ystyried' cyngor y panel yn ofalus ac y bydd hyn yn llywio ei Chynllun Cyflawni Trafnidiaeth Cenedlaethol (NDTP).

Y ddadl ganolog a gyflwynodd y panel yw bod angen meddwl yn wahanol am ddelio â thagfeydd. Mae’n dweud bod traffig ar ein ffyrdd wedi cynyddu a’r ymateb fel arfer yw adeiladu mwy o ffyrdd. Mae hyn wedi annog mwy o deithiau mewn car ac wedi gwaethygu traffig, gan gyfrannu at fwy o lygredd aer.

Mae hon yn duedd a gydnabyddir yn rhyngwladol o'r enw 'galw a achosir'. Mae adroddiad y panel yn dweud na ddylai cynlluniau sy'n creu capasiti ffyrdd ychwanegol ar gyfer ceir gael eu cefnogi. Yn hytrach, maent yn argymell y dylid rhoi mwy o sylw i gynlluniau sy’n canolbwyntio ar reoli galw, ynghyd â gwelliannau mewn trafnidiaeth gyhoeddus a theithio llesol. Maen nhw’n dweud: “bydd hyn yn helpu i leihau traffig nad yw’n hanfodol a sicrhau bod capasiti ar gael i ddefnyddwyr ffyrdd hanfodol gan gynnwys cludwyr nwyddau”.

Dywedodd yr Athro Andrew Potter:

Fel rhan o'r cyhoeddiad, cadarnhaodd Llywodraeth Cymru y bydd yn cyhoeddi Cynllun Cludo Nwyddau yn ddiweddarach yn y flwyddyn.

Rhagor am Adolygiad Ffyrdd Cymru.