Hyb Arloesedd Seiber yn ymuno â sbarc|sparc

Mae'r Hyb Arloesedd Seiber (CIH) wedi cymryd lle gydag Arloesedd Caerdydd yn sbarc — cartref mwyaf newydd Caerdydd ar gyfer cwmnïau deilliannol a busnesau newydd.

Bydd y cam hwn yn rhoi hwb i genhadaeth CIH i drawsnewid Prifddinas-Ranbarth Caerdydd yn glwstwr seiberddiogelwch blaenllaw yn y DU erbyn 2030, wedi'i ariannu i ddechrau gan Lywodraeth Cymru a Bargen Prifddinas-Ranbarth Caerdydd.

Gan greu llif o gynhyrchion seibr newydd, busnesau twf uchel a thalent, nod y fenter £20 miliwn yw sefydlu cwmnïau twf uchel, datblygu cynhyrchion seibr newydd a hyfforddi 1,750 o bobl mewn sgiliau seibr.

Dywedodd Cyfarwyddwr CIH, yr Athro Pete Burnap: "Rydym yn falch iawn o fod yn ymuno â theulu sbarc. Yn Gartref Arloesedd Caerdydd, mae sbarc yn cynnig gofod cydweithio i ni ochr yn ochr â phartneriaid yn y diwydiant, busnesau newydd ac academyddion ymchwil a gydnabyddir yn rhyngwladol. Yn ogystal, mae'n rhoi mynediad at wasanaethau cymorth proffesiynol a chyngor busnes a all helpu CIH i ddatblygu ffyrdd arloesol o gyflwyno syniadau o'r radd flaenaf o leoliadau academaidd i fod yn atebion masnachol blaengar.”

Nod y Ganolfan Arloesedd Seiber yw creu mwy na 25 o gwmnïau twf uchel yn y rhanbarth, gan weithio gyda'r llywodraeth, busnesau a'r sector cyhoeddus i ddatblygu heriau arloesi a arweinir gan y farchnad a sbarduno datblygiad cyflym o atebion newydd, arloesol.

Drwy'r Ganolfan Seiberddiogelwch Genedlaethol (NCSC), mae Prifysgol Caerdydd yn cael ei chydnabod gan Lywodraeth y DU am ragoriaeth mewn ymchwil seiberddiogelwch, arloesedd ac addysg. Mae partner CIH, Prifysgol De Cymru, hefyd yn cael ei gydnabod gan NCSC am ei ragoriaeth mewn addysg seiberddiogelwch. Mae gan CIH bartneriaid cryf yn y diwydiant hefyd — Airbus, CGI a Thales — ac yn gweithio gyda Sefydliad Alacrity a Tramshed Tech i feithrin entrepreneuriaeth ac adeiladu mentrau.

Mae Arloesedd Caerdydd yn cynnig amrywiaeth o wasanaethau a mannau dros bedwar llawr, gan gynnwys mannau cydweithio a swyddfeydd y gellir eu llogi, mannau cyfarfod ffurfiol ac anffurfiol, cyfleusterau cynadledda o ansawdd uchel, labordai gwlyb, mannau cyflwyno/arddangos ar y cyd, man cynadledda â lle i hyd at 200 o bobl a chaffi Llaeth a Siwgr ar y safle.

Dywedodd Rhys Pearce-Palmer, Rheolwr Gweithrediadau Arloesedd ym Mhrifysgol Caerdydd: “Mae croesawu CIH yn cefnogi ein huchelgais i fod yn Gartref Arloesedd Caerdydd, gan gefnogi cwmnïau deillio a busnesau newydd gyda chefnogaeth gan y Brifysgol yn sbarc. Mae'n gartref hardd a chreadigol ar gyfer cydweithio ac arloesi gyda phartneriaid yn y sector cyhoeddus, y sector preifat a'r trydydd sector.”

Mae CIH wedi’i halinio’n agos â’r Ysgol Cyfrifiadureg a Gwybodeg, a Chanolfan Ragoriaeth newydd Airbus mewn Seiberddiogelwch Dynol- cydweithrediad aml-haenog a arweinir gan y cawr technoleg byd-eang a Phrifysgol Caerdydd.

Bydd yr Hyb yn fan gwrthdaro i arloeswyr gyda mynediad at gyfleuster gefeillio digidol o safon fyd-eang a fydd yn galluogi datblygu, cynhyrchu a phrofi cynhyrchion a gwasanaethau newydd lle mae’r cyfle mwyaf yn y farchnad.

I gael rhagor o wybodaeth am yr Hyb Arloesedd Seiber, ebostiwch cyberinnovationhub@caerdydd.ac.uk

https://youtu.be/zKm-rnR6ZQs