Hanesydd yn dod yn Gymrawd yr Academi Brydeinig

Cydnabod Athro Emeritws ym maes Hanes Economaidd am ei gwaith rhagorol

Mae'r Athro Pat Hudson eleni, ymhlith y nifer uchaf erioed o academyddion benywaidd i gael eu croesawu i Gymrodoriaeth yr Academi Brydeinig; croesawyd 29 academydd benywaidd - y gyfran uchaf o fenywod a ddewiswyd erioed, sef 56% o restr 2022.

Mae ei harbenigedd ymchwil nodedig ar y Chwyldro Diwydiannol yn ymdrin â phrosesau ac achosion diwydiannu; effaith trefedigaethedd ac imperialaeth ar endidau metropolitaidd; dosbarthiad incwm a chyfoeth ers y ddeunawfed ganrif; gwahaniaethau rhanbarthol; a methodoleg hanesyddol.

Bob blwyddyn mae’r Academi Brydeinig yn ethol hyd at 52 o ysgolheigion rhagorol o’r DU i’w Chymrodoriaeth; ysgolheigion sydd wedi cyflawni rhagoriaeth mewn unrhyw gangen o’r dyniaethau a’r gwyddorau cymdeithasol.

Mae'r Cymrodyr newydd yn ymuno â chymuned o dros 1,600 o feddyliau blaenllaw sy'n ffurfio academi genedlaethol y DU ar gyfer y dyniaethau a'r gwyddorau cymdeithasol. Ymysg Cymrodyr presennol mae’r archeolegydd yr Athro Alasdair Whittle (Athro Emeritws Prifysgol Caerdydd), y clasurydd yr Athro Fonesig Mary Beard, yr hanesydd yr Athro Rana Mitter a'r athronydd yr Athro Farwnes Onora O'Neill.