School recognised for its research excellence in REF 2021

Mae'r Ysgol Cemeg wedi’i chydnabod yn REF 2021 am ragoriaeth ei hymchwil, ac ystyriwyd bod 99% o'r ymchwil a gyflwynwyd ganddi’n arwain y byd neu’n rhagorol yn rhyngwladol.

Mae'r Fframwaith Rhagoriaeth Ymchwil (REF) yn asesu ansawdd yr ymchwil sy’n cael ei gwneud yn sector addysg uwch y DU i sicrhau bod safonau ac ansawdd yn cael eu cynnal. Cyfeirir at ganlyniadau’r REF hefyd wrth ddyrannu tua £2 biliwn o gyllid cyhoeddus bob blwyddyn ar gyfer ymchwil prifysgolion.

Rydym yn falch iawn o gael ein cydnabod am ragoriaeth ein hymchwil a’r ffaith bod 99% o’r ymchwil a gyflwynwyd gennym yn cael ei hystyried yn ymchwil sy’n arwain y byd neu sy’n rhagorol yn rhyngwladol.

Rydym hefyd wedi cael ein cydnabod am effaith ein hymchwil – ystyriwyd bod 100% o effaith ein hymchwil yn rhagorol neu’n sylweddol iawn o ran ei chyrhaeddiad a’i harwyddocâd. Mae hyn yn adlewyrchu sut mae ein hymchwil wedi’i defnyddio i fynd i’r afael â’r heriau mawr y mae cymdeithas, yr economi a’n hamgylchedd yn eu hwynebu.

Dywedodd Pennaeth yr Ysgol, yr Athro Damien Murphy: “Er mwyn cynrychioli'r rhinweddau amrywiol, cydweithredol a chynhwysol sydd i’w cael yn ein Hysgol, gwnaethom gyflwyno gwaith 100% o’n staff cymwys i REF 2021. Mae hyn yn tanlinellu llwyddiant ein canlyniadau yn y REF ymhellach. Hoffwn longyfarch pob aelod o’r staff ar draws yr Ysgol a sefydliadau ymchwil cysylltiedig am eu cyfraniad at ein canlyniad rhagorol.”

Drwy gydweithio'n agos â phartneriaid blaenllaw yn y diwydiant, mae ymchwilwyr yn yr Ysgol Cemeg wedi dod o hyd i atebion i’r heriau y mae’r byd yn eu hwynebu o ran yr amgylchedd, technoleg a chynaliadwyedd.

I gael rhagor o wybodaeth am yr ymchwil arloesol sy’n cael ei gwneud yn yr Ysgol Cemeg, ewch i dudalen we’r Ysgol. Mae’r holl wybodaeth am gyflwyniad Prifysgol Caerdydd i REF 2021 ar gael ar brif dudalennau ymchwil y Brifysgol.