BBT Revisited - adroddiad terfynol nawr ar gael

Yn 2021, fe wnaethom gynnal astudiaeth ddilynol gyda chyfranogwyr oedd yn rhan o werthusiad tair blynedd o hyd o raglen BBT, a gwblhawyd yn wreiddiol yn 2017 (Bullock et al 2018, 2017; Muddiman et al 2019, 2016a, 2016b). Casgliadau allweddol yr astudiaeth wreiddiol oedd bod y rhaglen wedi datblygu hyfforddeion sy'n, dod â phersbectif ehangach i ofal iechyd, hyrwyddo integreiddio arbenigedd, mabwysiadu dulliau cyfannol sy'n rhoi gofal sy’n canolbwyntio ar y claf, gallu rheoli cleifion â chyflyrau cymhleth, ac sydd ag argyhoeddiad yn eu dewis o yrfa.  Nod yr astudiaeth ddilynol, a gomisiynwyd gan Health Education England North West, oedd nodi cyrchfannau gyrfa tymor hwy’r meddygon a gymerodd ran a nodi a oedd manteision rhaglen BBT yn rai parhaus o ran eu gyrfa, neu a oedd yr hyfforddeion o dan unrhyw anfantais o ran datblygiad gyrfaol.

Yn gyntaf, cynaliasom gyfweliadau archwilio ag wyth o gyn-hyfforddeion BBT. Y cam nesaf oedd lansio arolwg yn seiliedig ar yr astudiaeth wreiddiol a'r cyfweliadau archwilio. Cawsom 70 o ymatebion gan 118 o gyfranogwyr posibl. Canfuom fod BBT wedi dylanwadu ar eu penderfyniadau gyrfa mewn modd amlwg, ac nad oedd y rhan fwyaf o'r cyfranogwyr yn difaru ymuno â'r rhaglen. Mae BBT yn galluogi cyfranogwyr i, wneud penderfyniadau gyrfa gwybodus, cael profiad ychwanegol mewn arbenigeddau eraill, a datblygu ymagwedd fwy cyfannol at ofal. Roedd rhai cyfranogwyr yn wynebu heriau ar ôl gadael BBT ac ymuno â'u hyfforddiant arbenigol (er enghraifft gorfod dal i fyny â hyfforddiant arbenigol penodol a pheidio â bod yn rhan o garfan o gyfoedion), ond ni chafodd yr anawsterau hyn effaith barhaol ar eu gyrfaoedd. Roedd y cyfranogwyr yn yr astudiaeth hon yn teimlo'n freintiedig o fod wedi profi BBT ac roeddent yn drist nad oedd ar gael mwyach.

Mae’n crynodeb gweithredol ar gael i'w lawrlwytho nawr ac mae'r adroddiad llawn ar gael ar gais.