Y newyddion diweddaraf am ein prosiect yng Nghwm Cynon
25 Chwefror 2022
![A group of people at the Cynon Valley Organic Adventures site](https://cardiff.imgix.net/__data/assets/image/0003/2601948/Abercynon-resize.jpg?w=570&h=321&fit=crop&q=60&auto=format)
Mae gwaith wrthi’n digwydd ar safle Anturiaethau Organig Cwm Cynon, ac mae nifer o ddatblygiadau cyffrous ar y gweill.
Pobl a atgyfeiriwyd at y cynllun yn sgîl presgripsiynu cymdeithasol gwyrdd a phobl ifanc sy’n cymryd rhan yng nghynllun lleoliad Kickstart sydd wedi creu’r ffyrdd ar gyfer y llwybr natur newydd ar y safle.
Mae gwaith bellach ar fin dechrau i adeiladu pont newydd dros y nant leol. Myfyrwyr peirianneg sifil o Ysgol Peirianneg Prifysgol Caerdydd fydd yn cefnogi’r gwaith hwn.
Gyda chymorth Amgueddfa Cymru yng Nghaerllion, mae gwaith wedi dechrau ar greu gardd les Rufeinig ac mae cynlluniau ar y gweill i adeiladu tŷ crwn Celtaidd. Rydyn ni hefyd wedi gwneud cais am arian i adeiladu ystafell ddosbarth ecolegol lle y byddwn ni’n cynnal gweithgareddau sy'n seiliedig ar fyd natur a lles.
Rydyn ni hefyd yn parhau i weithio gyda darparwyr gofal iechyd lleol i ddeall yn well y rhwystrau sy'n atal cleifion rhag cael eu hatgyfeirio at weithgareddau sy'n seiliedig ar fyd natur a fydd yn cefnogi eu hiechyd meddwl a chorfforol.