Astudiaeth newydd yn datgelu cysylltiad rhwng sgitsoffrenia ac anhwylderau niwroddatblygiadol

Mae grŵp sgitsoffrenia Canolfan y Cyngor Ymchwil Feddygol ar gyfer Genomeg a Geneteg Niwroseiciatrig wedi dod o hyd i gysylltiad rhwng sgitsoffrenia ac anhwylderau niwroddatblygiadol, sy'n cynnwys anhwylderau sbectrwm awtistiaeth ac anhwylderau datblygiadol, sy'n dangos bod pobl sydd â'r cyflyrau hyn yn cario mathau tebyg o fwtaniad prin o fewn genynnau risg cyffredin.

Nododd y papur, a gyhoeddir gan Nature Communications,  hefyd set o fwtaniadau penodol sy'n debygol o gynyddu risg ar gyfer sgitsoffrenia ac anhwylderau niwroddatblygiadol.

Mae'n wybyddus fod rhai o'r mwtaniadau hyn yn achosi anhwylderau syndromig penodol, sy'n awgrymu y dylid cynnwys sgitsoffrenia fel nodwedd bosibl o'r syndromau hyn.

Dywedodd Dr Elliott Rees, Cymrawd Arweinwyr y Dyfodol gydg Ymchwil ac Arloesi'r DU (UKRI) yn yr Isadran Meddygaeth Seicolegol a’r Niwrowyddorau Clinigol:

Parhaodd Dr. Rees, "Mae hyn yn awgrymu bod rhai o’r prosesau biolegol sy’n sail i sgitsoffrenia hefyd yn sail i anhwylderau niwroddatblygiadol, sydd â goblygiadau pwysig o ran sut mae’r cyflyrau hyn yn cael eu dosbarthu ar hyn o bryd.”

Weithiau gellir colli symptomau sy'n nodweddiadol o sgitsoffrenia mewn pobl ag anhwylderau niwroddatblygiadol.

Mae canfyddiadau'r grŵp yn amlygu'r angen clinigol am well ymwybyddiaeth fod y cyflyrau hyn weithiau'n gallu cyd-ddigwydd mewn pobl.

Mae sgitsoffrenia’n gyflwr iechyd meddwl difrifol a all gael effeithiau difrifol ar iechyd, gweithredu cyffredinol a hyd oes unigolion a lles eu teuluoedd.

Mae llawer o enynnau bellach wedi'u cysylltu â sgitsoffrenia ac anhwylderau niwroddatblygiadol. Mae canfyddiadau'r astudiaeth yn awgrymu bod newidiadau i swyddogaeth genynnau sy'n cynyddu'r risg i sgitsoffrenia weithiau’n gallu gwneud yr un peth i anhwylderau niwroddatblygiadol.

Darllenwch y papur llawn: Schizophrenia, autism spectrum disorders and developmental disorders share specific disruptive coding mutations: Schizophrenia, autism spectrum disorders and developmental disorders share specific disruptive coding mutations