Covid-19 - Caerdydd yn ennill £1m ar gyfer ymchwil Sêr Cymru
12 Ionawr 2021
Mae Prifysgol Caerdydd wedi ennill £1m mewn grantiau ymchwil Sêr Cymru i fynd i’r afael â heriau Covid-19.
Mae 14 gwobr gan Lywodraeth Cymru yn rhychwantu tri choleg y Brifysgol ac yn canolbwyntio ar ystod o atebion - o ddefnyddio catalysis newydd ar gyfer diheintio arwynebau i barhad dysgu digidol yng Nghymru.
Mae'r gwobrau mwyaf yn cynnwys cyllid i archwilio technolegau newydd ar gyfer profion-pwynt-gofal genetig ar gyfer SARS-CoV-2 a gweithio i ddatblygu pilenni hidlo firysau actif.
Dywedodd y Gweinidog Addysg, Kirsty Williams: “Mae prifysgolion Cymru wedi bod ar flaen y gad yn yr ymateb i Covid-19, gan ddatblygu atebion i’r llu o heriau y mae’r pandemig wedi’u cyflwyno. Mae prosiectau Prifysgol Caerdydd yn seiliedig ar arbenigedd ar draws disgyblaethau sbectrwm eang, o firoleg ac imiwnoleg i ddiagnosteg a gwyddoniaeth ymddygiad, gan gynnig potensial gwirioneddol yn y frwydr yn erbyn firws.”
Dywedodd yr Athro Colin Riordan, Llywydd ac Is-Ganghellor Prifysgol Caerdydd: “Bydd cyllid trwy alwad Sêr Cymru - Mynd i’r Afael â COVID-19 yn caniatáu i ymchwilwyr ddatblygu cynigion newydd a allai gyfrannu at, neu hybu datblygiad ymchwil sy’n effeithio ar COVID-19, gan osod y sylfeini ar gyfer cynigion mwy i ffrydiau cyllido eraill.”
Mae'r gwobrau i gyd ar gyfer Coleg y Celfyddydau, y Dyniaethau a'r Gwyddorau Cymdeithasol, Coleg y Gwyddorau Biofeddygol a Bywyd, a Choleg y Gwyddorau Ffisegol a Pheirianneg fel a ganlyn:
| Ymgeiswyr | Teitl | Cyfraniad LlC |
|---|---|---|
| Yr Athro Andrew Godkin, Dr Bruce MacLachlan, Prifysgol Monash, Melbourne, yr Athro Paul Klenerman, Adran Feddygaeth Nuffield, Rhydychen | Defnyddio astudiaethau strwythurol i archwilio sut y gall dderbynyddion celloedd-T (TCRs) wedi'u rhwymo i beptid-MHC dosbarth II (pMHC-II) lywio dyluniad brechlyn COVID-19 | £60,243.00 |
| Dr. Tomasz Jurkowski, Oliver Castell, Jim Murray, Patrick Hardinge | Technolegau newydd ar gyfer profion-pwynt-gofal genetig ar gyfer SARS-CoV-2 | £141,869.00 |
| Andrew J Weightman, Tom Connor, Isabelle Durance, Devin Sapsford, Peter Kille, Owen Jones, Kata Farkas, Davey Jones, James McDonald, Shelagh Malham | Monitro Dŵr Gwastraff a Gwyliadwriaeth Amgylcheddol SARS-CoV-2/COVID-19 gan ddefnyddio Dulliau Metafiromig | £102,201.00 |
| Yr Athro Chris Taylor, Dr Jennifer Hampton a Mr Rhys Davies | Parhad dysgu yng Nghymru: Dadansoddiad ‘byw’ o ddysgu ar-lein | £22,243.00 |
| Dr Rich Stanton, Eddie Wang | Potensial diagnostig a therapiwtig ADCC ar gyfer COVID-19 | £70,587.00 |
| Dr Katerina Kaouri (Prif Ymchwilydd), yr Athro Ian Griffiths, Dr Enrique Ruiz-Trejo | Modelu mathemategol a haenau craff: ymladd yn erbyn pandemig COVID-19 | £62,634.00 |
| Dr Helen Waller-Evans, Dr Ceri Fielding, Dr Emyr Lloyd-Evans | A yw atal y derbynnydd firws lysosomal NPC1 yn atal heintusrwydd SARS-CoV-2? | £46,807.00 |
| Yr Athro Graham J. Hutchings, Dr Jennifer K. Edwards, Dr Andrea Folli, Dr Richard Lewis Yr Athro Jean-Yves Maillard a'r Athro Damien Murphy | Diheintio arwynebau gan ddefnyddio catalysis newydd | £81,304.00 |
| Yr Athro John Harrington | Tuag at Gyfraith Iechyd yng Nghymru: Gwerthoedd, Llywodraethu a Datganoli ar ôl COVID-19 | £87,310.00 |
| Yr Athro Andrea Brancale (Prifysgol Caerdydd; Prif Ymchwilydd); Dr. Salvatore Ferla (Undod Abertawe; Cydymchwilydd); Dr. Giulio Nannetti (Prifysgol Caerdydd; Cydymchwilydd) | Ymchwil Coronafirws Cymru (CoRe-C): platfform ar gyfer darganfod asiantau Gwrth-Fetacoronafeirysau | £53,887.00 |
| Yr Athro Cathy Holt, Athro Val Sparkes (HCARE), Dr Jen Davies (HCARE) Athro Colin Gibson (C&V UHB Uned Peirianneg Adsefydlu) | Derbyn yn glinigol technoleg mewn asesu adsefydlu o bell: mynd ar ôl heriau brys yn sgîl COVID o ran gyrru trosglwyddiadau technoleg i'r dyfodol | £74,779.00 |
| Yr Athro Oliver A Williams, yr Athro Jean-Yves Maillard, Dr Jennifer Edwards a Dr Andrew Crayford | Pilenni Hidlo Firysau Actif | £124,227.00 |
| Dr Tatyana Shelkovnikova a'r Athro John Atack | Datblygu profion a sgrinio trosiant uchel ar gyfer adnabod moleciwlau bach newydd gyda’r potensial i leihau’r storm sytocin wedi’i gyfryngu gan NEAT1_2 mewn COVID-19 | £74,950.00 |
