Prosiect ôl-ffitio Abertawe ar y rhestr fer yng Ngwobrau Rhagoriaeth Adeiladu Cymru

Mae Cynllun Ôl-ffitio Datgarboneiddio Tŷ Cyfan, prosiect partneriaeth rhwng Cyngor Abertawe ac Ysgol Pensaernïaeth Cymru ym Mhrifysgol Caerdydd wedi cyrraedd rhestr fer categori Arloesi Gwobrau Rhagoriaeth Adeiladu Cymru 2020.

Mae'r prosiect wedi trawsnewid chwe byngalo dwy wely 50 oed gyda thoddiannau carbon isel priodol gan gynnwys paneli solar wedi'u hintegreiddio i'r to i gynhyrchu trydan sy'n cael ei storio mewn batri Tesla, ffenestri gwydr dwbl, waliau wedi'u hinswleiddio a tho a goleuadau ynni isel. Mae pympiau gwres o'r ddaear yn darparu gwres i'r cartrefi a'r dŵr poeth. Mae system awyru yn cylchredeg aer wedi'i hidlo trwy'r cartrefi trwy fentiau nenfwd, sy'n helpu i gadw gwres.

Bydd y preswylwyr yn talu cyn lleied o filiau ynni â phosibl o hyn ymlaen.

Nifer o staff academaidd o Ysgol Pensaernïaeth Cymru gan gynnwys: Dr Jo Patterson, Esther Tallent, Manos Perisoglou, Dr Xiaojun Li, Dr Ester Coma-Bassas, Dr Shan Shan Hou a Miltos Ionas dod â gwahanol sgiliau i'r tîm i sicrhau bod y prosiect yn cael ei ddylunio a'i fonitro'n llwyddiannus i ddarparu tystiolaeth i'r sector tai ar sut y gellir darparu cartrefi cost isel iawn.

Mae prosiect LCBE yn rhan o Ganolfan Arloesi a Gwybodaeth SPECIFIC, a arweinir gan Brifysgol Abertawe a'i hariannu'n rhannol gan Gronfa Datblygu Rhanbarthol Ewrop drwy Lywodraeth Cymru, InnovateUK ac EPSRC.

Dywedodd Dr Jo Patterson, arweinydd prosiect: “Mae arloesi nid yn unig yn ymwneud â thechnolegau - mae’n ymwneud ag arloesi’r broses adeiladu gyfan gan gynnwys cydweithredu, cyfathrebu a chaffael i sicrhau dyfodol di-garbon. Trwy gynnal prosiectau ôl-ffitio tŷ cyfan fel yr un hwn yn Ffordd Ellen mae pawb sy'n cymryd rhan wedi cymryd cam ymlaen tuag at wneud y newidiadau sy'n hanfodol ar gyfer cynnydd. "

Hefyd wedi ei enwebu ar gyfer yr un wobr mae’r ‘Rightsizing: Slim Down and start up, 2 new housing schemes in Monmouthshire’ prosiect partneriaeth rhwng Professor Wayne Forster o Ysgol Pensaernïaeth Cymru, Aecom, Cynllunio LRM, Peirianwyr Ymgynghorol Lodestone. Mae'r prosiect hwn yn cynnwys dau brosiect tai mewnlenwi ar wahân a ddatblygwyd ac a ddyluniwyd i ymateb i, a diwallu, anghenion cenhedlaeth hŷn o bobl yn Sir Fynwy a oedd am 'leihau maint' eiddo mwy a chenhedlaeth lawer iau a oedd yn chwilio am eu eiddo cyntaf.

Constructing Excellence in Wales yw llais unedig sector amgylchedd adeiledig Cymru, sy'n cynrychioli pob rhan o'i gadwyn gyflenwi. Maent yn gweithio gyda phob elfen wahanol o adeiladu gyda sefydliadau mawr a bach yn y sectorau cyhoeddus a phreifat i helpu'r diwydiant i wella ei berfformiad i ddarparu gwell ansawdd a gwerth am arian i'w gleientiaid a'i ddefnyddwyr terfynol. Cydnabyddir y gwobrau ar draws amgylchedd adeiledig Cymru fel y dathliad mwyaf a mwyaf disglair o arfer gorau.