Enillodd yr Athro Zhigljavsky Wobr Constantin Caratheodory yn Ffrainc.

Yr Athro Anatoly Zhigljavsky o Ysgol Mathemateg Prifysgol Caerdydd yw enillydd Gwobr Constantin Caratheodory 2019 am ei waith rhagorol a'i gyfraniadau aruthrol i theori, algorithmau, a chymwysiadau optimeiddio byd-eang.

Cafodd Zhigljavsky Wobr nodedig Constantin Caratheodory yn 6ed Gyngres y Byd ar Optimeiddio Byd-eang (WCGO 2019) yn Metz, Ffrainc ar 8-10 Gorffennaf.

Cyflwynir y wobr ddwywaith y flwyddyn gan y Gymdeithas Ryngwladol Optimeiddio Byd-eang i unigolyn neu grŵp am “gyfraniadau sylfaenol i theori, algorithmau, a chymwysiadau optimeiddio byd-eang.”

Mae'r wobr, a enwyd ar ôl mathemategydd, Constantin Caratheodory, yn cydnabod gwaith rhagorol sy'n adlewyrchu cyfraniadau sydd wedi gwrthsefyll prawf amser. Mae'r meini prawf yn cynnwys rhagoriaeth wyddonol, arloesedd, arwyddocâd, dyfnder ac effaith.

Dechreuodd yr Athro Anatoly Zhigljavsky ei waith ym Mhrifysgol Caerdydd ym 1997 ac mae'n un o'r academyddion sydd wedi gwasanaethu hiraf yn yr Ysgol Mathemateg.

Mae ei gyflawniadau ymchwil yn drawiadol, ac mae'r grantiau y mae wedi'u hennill, dros gant o gyhoeddiadau, a nifer o lyfrau a myfyrwyr PhD, yn dystiolaeth o hyn. Mae Zhigljavsky wedi ysgrifennu cyhoeddiadau mewn meysydd fel dadansoddiad cyfres amser, dadansoddiad ystadegol o amryw o elfennau, modelu ystadegol mewn ymchwil i’r farchnad, optimeiddio byd-eang stocastig, dulliau tebygolrwydd wrth chwilio, a dull system ddeinamig o astudio cydgyfeiriant algorithmau chwilio a theori rhif.

At the award ceremony, Zhigljavsky delivered a plenary lecture discussing his latest research in Stochastic Global Optimization.