Estyn croeso i’r cynadleddwyr cyntaf o Tsieina i’r Ysgol Haf Seicoleg

Yr wythnos hon cyrhaeddodd y cynadleddwyr cyntaf o Brifysgol Normal Beijing a Phrifysgol Wuhan Gaerdydd ar gyfer yr Ysgol Haf Seicoleg eleni. Estynnon ni groeso o gyfanswm o tua 30 o fyfyrwyr a fydd yn cymryd rhan mewn amrywiaeth o ddarlithoedd, gweithdai a gweithgareddau cymdeithasol hynod ddiddorol dros y pythefnos nesaf.

Bydd y gweithdai yn ymdrin ag ystod eang o bynciau megis seicoleg fforensig, anhwylderau datblygiadol, agweddau, rhithiau gweledol, delweddu'r ymennydd, a bydd y cyfan yn nwylo ein staff addysgu arbenigol. Bydd y ymwelwyr hefyd yn profi addysgu ac ymchwil o fri ein hacademyddion o safon fyd-eang.

Estynnon ni groeso hefyd i aelodau o staff y ddwy brifysgol a oedd wedi cwrdd â nifer o'n hacademyddion i drafod cyfnewid myfyrwyr a chydweithio yn y dyfodol. Bu'r trafodaethau'n llwyddiant ysgubol a llofnododd Phrifysgol Genedlaethol Beijing gytundeb ysgol haf i gryfhau prosiectau ar y cyd â ni yn y dyfodol.

Dyma a ddywedodd yr Athro Petroc Sumner, Pennaeth yr Ysgol Seicoleg: "Pleser mawr yw croesawu ein hymwelwyr o Beijing a Wuhan yng Nghaerdydd. Cefais i groeso arbennig iawn ym mis Chwefror pan fues i'n ymweld â'u prifysgolion; roedd eu staff a'u myfyrwyr mor gefnogol a pharod eu cymwynas. Rwy'n gobeithio y byddan nhw’n mwynhau bod yng Nghaerdydd yn fawr iawn ac edrychwn ymlaen at weithio gyda nhw yn y dyfodol."