Pwyslais ar iaith

Cynhadledd ryngwladol flaenllaw yn dychwelyd i'w man geni

Bydd yr wythfed gynhadledd Ieithyddiaeth Gymhwysol ac Arferion Proffesiynol (ALAPP8) yn cael ei chroesawu yn ôl i Gaerdydd eleni (17 – 19 Medi), ac yn canolbwyntio ar y trafodaethau presennol ynglŷn â'r berthynas rhwng ieithyddiaeth gymhwysol, astudiaethau disgwrs proffesiynol, ac arferion proffesiynol.

Ers y gynhadledd gyntaf yn y Brifysgol yn 2011, mae arbenigwyr rhyngwladol wedi rhannu'r syniadau ac arferion diweddaraf mewn dinasoedd ledled y byd, gan gynnwys Copenhagen, Genefa, Gent a Milan yn Ewrop, a Kuala Lumpur.

Mae'r gwahanol ddisgyblaethau'n cynnwys ymchwil iaith a chyfathrebu ac arbenigeddau proffesiynol mewn meysydd sy'n cynnwys busnes, y gyfraith, gofal iechyd, addysg, y cyfryngau, gofal cymdeithasol a lles, a mewnfudo a rheoli ffiniau.

Bydd y prif siaradwyr yn ALAPP8 yn cynnwys yr Athro Iaith ac Ieithyddiaeth Gymhwysol Saesneg Theresa Lillis (y Brifysgol Agored); yr Athro Addysg a Seicoleg Addysgol Roger Säljö (Prifysgol Gothenburg) a'r Athro Rheoli Andrea Whittle (Prifysgol Newcastle).

Bydd y darlithoedd yn cynnwys u ddarlith Candlin Ideologies of writing in professional domains: Challenges for making useful knowledge (yr Athro Lillis), Categorizing practices and social dilemmas: The case of pupil identities and school careers (yr Athro Säljö) a Consequential categories: How categories in interaction work to get work done (yr Athro Whittle).

Y Ganolfan Ymchwil Iaith a Chyfathrebu fyd-enwog sy'n cynnal y gynhadledd, a'i nod yw cyflwyno mwy o ddarllenwyr i ymchwil arloesol mewn cydweithrediad â Journal of Applied Linguistics and Professional Practice (JALPP).

Cynhelir y gynhadledd Ieithyddiaeth Gynhwysol ac Arferion Proffesiynol yng Nghanolfan Addysgu Ôl-raddedigion Ysgol Busnes Caerdydd dros gyfnod o dri diwrnod. Dilynwch #ALAPP8 i gael y newyddion diweddaraf.