Ewch i’r prif gynnwys

Tîm y tiroedd yn cystadlu am wobr werdd

11 Medi 2018

Cardiff University sports fields from pavilion
Cardiff University sports fields from pavilion

Mae staff cynnal a chadw tiroedd Prifysgol Caerdydd wedi cyrraedd rhestr fer ar gyfer gwobr genedlaethol am wyrddio'r amgylchedd.

Bydd y tîm yn cystadlu ar gyfer gwobr Strategaeth Amgylcheddol ac Ecoleg Ransomes yng Ngwobrau Diwydiant y Sefydliad Gofalwyr Tir ym mis Hydref.

Mae gan dîm cynnal a chadw tiroedd y Brifysgol hanes o gyflwyno syniadau gwyrdd arloesol ar draws y Campws.

Dros y blynyddoedd diwethaf, mae'r tîm wedi:

  • creu cynefin bach sy'n addas i fwydod ar safle cyfrinachol ar gampws canolog Prifysgol Caerdydd, ac yn ddiweddar cofnodwyd bod mwy ohonynt wedi cael eu gweld nag erioed o'r blaen;
  • datblygu cyfres o flychau ar gyfer ystlumod, a'u lleoli ar safle arall ym Mhrifysgol Caerdydd lle mae ystlumod lleiaf yn ymweld yn rheolaidd gyda'r nos;
  • ennill grant Dŵr Cymru i blannu 2,000 o glychau'r gog yr hydref hwn i gryfhau nifer y rhywogaethau clychau'r gog brodorol.

Dywedodd y Rheolwr Tîm, Paul Lidster: "Rydyn ni wrth ein bodd i fod ar y rhestr fer ar gyfer y wobr hon. Rydyn ni'n ymdrechu i fod yn arloesol drwy 'wyrddio' ein tiroedd ar draws y Brifysgol – gan gynnwys caeau chwaraeon a safleoedd preswyl myfyrwyr. Mae'r enwebiad ar gyfer y wobr hon yn dangos gwaith caled, creadigrwydd ac ymrwymiad y tîm drwy gydol y flwyddyn."

Mae tîm cynnal a chadw tiroedd Prifysgol Caerdydd yn ychwanegu at ei lwyddiannau blaenorol. Enillodd y tîm y Wobr Hyrwyddwyr Amgylcheddol yng Ngwobrau Gwyrdd y Brifysgol 2017, ynghyd â helpu'r tîm Cyfleusterau Campws i ennill Gwobr Gwella Amgylcheddol genedlaethol.

Mae Gwobrau Diwydiant y Sefydliad Gofalwyr Tir yn cydnabod brwdfrydedd ac ymrwymiad staff y tiroedd, gwirfoddolwyr, a gweithwyr proffesiynol chwaraeon ar bob lefel, ynghyd â'r heriau maent yn eu hwynebu.

Cynhelir y Gwobrau yn Metropole Hilton Birmingham ar 31 Hydref.

Rhannu’r stori hon

Darllenwch ein polisïau amgylcheddol i ddysgu sut rydym yn ymgorffori cynaliadwyedd ar draws ein gweithrediadau.

Related news

NUS Green Impact logo

Gwobr Effaith Werdd

15 Mehefin 2018

Redwood Memorial Garden

Man gwyrdd yn ennill gwobr

25 Gorffennaf 2017