Goruchwyliwr Doethurol Eithriadol

Mae arbenigwr Rheolaeth Gyhoeddus wedi cael ei gydnabod am ei gyfraniad enfawr at oruchwyliaeth ddoethurol yng Ngwobrau Cyfoethogi Bywyd Myfyrwyr Prifysgol Caerdydd.

Casglodd Dr Michael Marinetto, o Ysgol Busnes Caerdydd, ei wobr Goruchwyliwr Doethurol Rhagorol ynghyd â 13 o aelodau staff a myfyrwyr ar draws y Brifysgol mewn seremoni wobrwyo flynyddol sy'n cydnabod ymrwymiad y rhai a enwebir at gyfoethogi profiad y myfyrwyr.

Eleni cafwyd dros 600 o enwebiadau ar gyfer yr 14 o wobrau, record newydd i'r Brifysgol.

Yn ogystal â Dr Marinetto, roedd y rhestr hir o enwebiadau'n cynnwys wyth aelod o staff a dau fyfyriwr o Ysgol Busnes Caerdydd:

Staff

• Dr Eleri Rosier – Aelod Staff Mwyaf Arloesol
• Dr Jane Lynch – Yr Aelod o Staff sy’n Ysbrydoli Fwyaf
• Dr Sergey Popov – Yr Aelod o Staff sy'n Ysbrydoli Fwyaf
• Dr Bahman Rostami-Tabar – Yr Aelod o Staff sy'n Ysbrydoli Fwyaf
• Gwen Thomas – Yr Aelod o Staff sy'n Ysbrydoli Fwyaf a Chydlynydd Cynrychiolwyr Myfyrwyr y Flwyddyn
• Eleanor Dart – Aelod o Saff sy'n Ysbrydoli Fwyaf ac Aelod Staff Mwyaf Arloesol
• Dr Ahmad Jamal – Goruchwyliwr Doethurol Rhagorol
• Natalie Forde-Leaves – Tiwtor Personol y Flwyddyn

Myfyrwyr

• Adam Jones – Cynrychiolydd Academaidd y Flwyddyn AHSS
• Syed Anas Ahmed – Cynrychiolydd Academaidd y Flwyddyn AHSS

Cynhaliwyd y Gwobrau Cyfoethogi Bywyd Myfyrwyr, a drefnwyd gan Undeb y Myfyrwyr, yn y Neuadd Fawr ddydd Iau 3 Mai.