Ymsefydlu yn eich Ysgol

Diweddarwyd ddiwethaf: 05/12/2024 15:57

Bydd sesiwn ymsefydlu eich ysgol a’r rhaglen gyffrous o ddigwyddiadau croeso yn eich helpu i ymgartrefu yng Nghaerdydd.

Mae eich ysgol wedi trefnu rhaglen gyffrous o weithgareddau ymsefydlu i’ch rhoi ar ben y ffordd o ran eich profiad academaidd. Dyma gyfle i ymgartrefu, gwybod rhagor am eich cwrs, eich tiwtor personol, staff cymorth yr ysgol, y cyfleusterau, yr offer dysgu digidol yn ogystal â'ch cyd-fyfyrwyr newydd.  

Ymhlith y digwyddiadau croeso bydd teithiau o amgylch y campws, digwyddiadau cymdeithasol a sgwrsiau gan dîmau'r Brifysgol fel TG a Llyfrgelloedd. Mae'n gyfle i ddod yn gyfarwydd â Phrifysgol Caerdydd a chwrdd â myfyrwyr eraill.

Gwnewch yn siŵr eich bod wedi ymrestru ar-lein cyn ichi gyrraedd Caerdydd. Byddwn ni’n cysylltu â chi i roi manylion y rhaglen ymsefydlu lawn fel na fyddwch chi’n colli’r un dim.    

Os oes gennych chi ymholiadau am eich rhaglen ymsefydlu neu os byddwch chi’n cofrestru'n hwyr ar gyfer eich cwrs, cysylltwch â’r swyddfa yn eich ysgol i gael cymorth.