Ymgartrefu a chymorth mewn llety’r Brifysgol
Diweddarwyd diwethaf: 22/08/2024 13:14
Cymerwch ran mewn digwyddiadau yn eich llety, cwrdd â ffrindiau newydd a chael help gyda'r newid i fywyd yn y brifysgol.
Efallai mai dechrau yn y brifysgol yw eich profiad cyntaf o fyw oddi cartref mewn dinas wahanol. Rydyn ni’n deall y gall hyn fod yn gyffrous a heriol fel ei gilydd, dyna pam mae ein tîm Bywyd Preswyl yma i'ch helpu i ymgartrefu.
Rydyn ni’n gweithio ar y cyd â’r timau Bywyd Myfyrwyr, Preswylfeydd ac Undeb y Myfyrwyr i ddod â chalendr bywiog o ddigwyddiadau cymdeithasol i chi, yn ogystal â chymorth cyfeillgar a hygyrch, a chyfleoedd i ddysgu amdanoch chi'ch hun, eraill a sut i fyw ar y cyd a chithau’n fyfyriwr yng Nghaerdydd.
Digwyddiadau
Mae ein rhaglen amrywiol o ddigwyddiadau yn cynnwys:
- Dathliadau gwyliau a diwylliannol byd-eang megis Calan Gaeaf, Blwyddyn Newydd Tsieineaidd, Holi, Ramadan a llawer mwy
- Sesiynau galw heibio wyneb yn wyneb yn yr holl neuaddau preswyl er mwyn cael cymorth gan gymheiriaid, cyngor neu gyfle i fwrw bol
- Datblygu sgiliau bywyd pwysig megis coginio, cyllidebu, datrys gwrthdaro â’r bobl rydych chi’n byw gyda nhw, a rheoli eich lles meddwl a chorfforol eich hun
- Digwyddiadau sy'n ymwneud â diddordebau penodol megis crefftau, byw'n iach, newid cymdeithasol a lles sy'n rhoi’r cyfle i chi gymdeithasu ag eraill wrth wneud rhywbeth rydych chi'n ei hoffi neu efallai eisiau rhoi cynnig arni
- Cyfleoedd i lywio’ch profiad o fyw mewn neuadd breswyl drwy gymryd rhan mewn gweithgareddau rhoi adborth gyda Chymdeithasau’r Neuaddau.
Dilynwch ni ar Instagram ar gyfer y newyddion diweddaraf neu edrych ar ein tudalen ddigwyddiadau ar ein gwefan.
Cysylltwch â ni
Mae ein tîm o Gynorthwywyr Bywyd Preswyl yn fyfyrwyr ar hyn o bryd sydd wedi byw yn llety’r brifysgol eu hunain. Maen nhw wrth law i gynnig cyngor yn seiliedig ar eu profiad eu hunain, a’ch cyfeirio at unrhyw wasanaethau perthnasol yn y brifysgol a all eich helpu.
Cwrdd â'ch Cynorthwywyr Bywyd Preswyl
| Diwrnod | Amser | Llety’r Brifysgol |
|---|---|---|
| Dydd Llun, dydd Mawrth a dydd Iau | 18:00 tan 21:00 | Campws y De |
| Dydd Llun, dydd Mawrth a dydd Iau | 18:00 tan 21:00 | Neuadd y Brifysgol |
| Dydd Llun, dydd Mawrth a dydd Iau | 18:00 tan 21:00 | Tal-y-bont |
| Dydd Llun, dydd Mawrth a dydd Iau | 18:00 tan 21:00 | Campws y Gogledd |
Rydyn ni hefyd yn cynnal ambell i ddigwyddiad ar ddyddiau Sadwrn. Cadwch lygad ar ein tudalen ddigwyddiadau.
Cysylltu â ni
Tîm Bywyd Preswylfeydd
Ymunwch â'r tîm Bywyd Preswyl ar gyfer digwyddiadau drwy gydol y flwyddyn.