Dywedwch wrthym am eich gofynion mynediad.

Diweddarwyd ddiwethaf: 14/08/2024 13:15

Weithiau gall sefydlu cymorth gymryd rhagor o amser na'r disgwyl, felly rydym yn eich annog i ddweud wrthym am eich anabledd cyn gynted â phosibl.

Rydyn ni yma i gefnogi myfyrwyr sydd â nam corfforol neu synhwyraidd, cyflwr iechyd hirdymor, cyflwr iechyd meddwl, anhawster dysgu penodol neu gyflwr sbectrwm Awtistiaeth.

Os ydych chi wedi rhoi gwybod i ni am eich anabledd, fe'ch anogir i gofrestru gyda'r Gwasanaeth Anabledd Myfyrwyr trwy lenwi'r Ffurflen Cymorth Anabledd. Mae'r ffurflen hon yn eich galluogi i rannu mwy o fanylion am eich gofynion cymorth, gan ein galluogi i ddeall yn well yr addasiadau y gallai fod eu hangen arnoch. Mae hefyd yn ein helpu i roi arweiniad i chi ar y cymorth sydd ar gael a'r camau nesaf y mae angen i chi eu cymryd.

Os nad ydych wedi datgelu eich anabledd eto, neu os nad ydych wedi clywed gennym, cysylltwch â ni.

Darparu tystiolaeth

Rydym wedi ymrwymo i ddatblygu amgylchedd dysgu cynhwysol ac i wneud addasiadau rhagweledol rhesymol lle y bo’n bosibl. Fodd bynnag, efallai y bydd angen gwneud rhai addasiadau rhesymol unigol er mwyn i'ch gofynion cymorth gael eu bodloni.

Er mwyn ein helpu i wneud hyn rydym yn eich annog i ddweud wrthym am eich gofynion mynediad. Gofynnir i chi roi'r dystiolaeth ategol ddiweddaraf i ni, megis:

• tystiolaeth ddiagnostig e.e., adroddiad asesiad diagnostig neu adroddiad seicolegydd addysg ar gyfer myfyrwyr ag Anawsterau Dysgu Penodol
• tystiolaeth feddygol e.e. llythyr gan Feddyg Teulu neu Ymgynghorwyr
• adroddiad yn dilyn Asesiad Anghenion ar gyfer Lwfans i Fyfyrwyr Anabl (DSA)
• copi o lythyr dyfarniad Taliad Annibyniaeth Personol (PIP).

Mae angen y dystiolaeth hon i gadarnhau'r angen am rai addasiadau a chymorth a ariennir. Os nad oes gennych dystiolaeth neu os ydych yn ansicr a yw'n addas, cysylltwch â ni am gyngor ynghylch cyflwyno rhagor o wybodaeth.

Cofrestru hwyr

Efallai y byddwch yn penderfynu peidio â chofrestru gyda ni ar ddechrau eich astudiaethau ond yn sylweddoli yn ddiweddarach yr hoffech rywfaint o help a chymorth. Os byddwch yn cael eich hun yn y sefyllfa hon, gallwn eich helpu o hyd, er y gallai fod oedi cyn rhoi cymorth ar waith.

Cysylltwch â ni