Gwasanaethau Cymorth Arbenigol

Diweddarwyd diwethaf: 13/08/2024 15:47

Gwybodaeth am y mathau o gymorth arbenigol y gallwn ei ddarparu.

Os yw'r Gwasanaeth Anabledd Myfyrwyr yn argymell gwasanaeth cymorth arbenigol nad yw'n feddygol i chi fel addasiad rhesymol neu'n dilyn eich asesiad anghenion Lwfans Myfyrwyr Anabl (DSA), mae ein gwasanaeth mewnol yma i'ch cefnogi.

Gweithiwr cymorth

Mae gennym dîm o weithwyr cymorth sy'n gallu gweithio gyda chi i'ch cynorthwyo gydag ystod o weithgareddau'n gysylltiedig ag astudiaethau, fel:

• cymryd nodiadau mewn darlithoedd
• eich cyfeirio neu eich helpu i symud o amgylch y campws
• cymorth gyda dosbarthiadau labordy neu ymarferol
• gwasanaeth llyfrgell.

Tiwtora sgiliau astudio

Mae gennym dîm o diwtoriaid sgiliau astudio arbenigol sy’n gallu cynnig cefnogaeth sgiliau astudio i chi. Mae'r gefnogaeth mae ein tiwtoriaid n cynnig yn canolbwyntio ar gynnig y sgiliau sy'n gysylltiedig ag astudio canlynol:

• sgiliau trefnu a rheoli amser
• technegau gwneud nodiadau a chofio
• sgiliau ymchwil
• ysgrifennu academaidd
• sillafu a gramadeg
• strategaethau adolygu
• sgiliau cyflwyno
• dysgu annibynnol.

Gwasanaeth mentora iechyd meddwl

Mae ein mentoriaid yn gweithio gyda chi i reoli eich gofynion sy'n gysylltiedig â'ch astudiaethau a allai gael eu heffeithio gan effaith eich cyflwr iechyd meddwl. Mae'r cymorth sy'n cael ei gynnig gan ein mentorau yn canolbwyntio ar ddatblygu sgiliau astudio sy'n cwmpasu'r canlynol:

• oedi
• perffeithiaeth
• cymhelliant
• canolbwyntio
• dysgu annibynnol
• ymdopi â newid.

Gwasanaethau allanol

Os nad ydych yn gymwys i gael DSA, a bod angen gwasanaethau arbenigol eraill arnoch, mae’n bosibl y gall y brifysgol edrych ar y gost gysylltiedig ar gyfer cymorth ac addasiadau a’i thalu. Bydd angen i chi drafod eich gofynion mynediad gyda chynghorydd anabledd.

Os argymhellir gwasanaethau i chi trwy'r DSA a ddarperir gan ddarparwr allanol, bydd angen i chi gysylltu'n uniongyrchol â'r darparwr hwn i gael mynediad at y cymorth. Os ydych yn cael trafferth cysylltu â’r darparwr neu drefnu’r ddarpariaeth hon, rhowch wybod i ni gan y gallwn eich cefnogi gyda hyn.

Cysylltwch â ni