Cefnogaeth yn y llyfrgell
Diweddarwyd ddiwethaf: 13/08/2024 15:40
Mae gan bob un o'n llyfrgelloedd gyswllt anabledd penodol fydd yn hapus i drafod pa wasanaethau sydd ar gael.
Gall staff eich helpu chi i ddod o hyd i lyfrau a'u casglu ar eich rhan. Gallant hefyd chwilio'r catalog llyfrgell, trefnu dosbarthu eich llyfrau i'ch cartref a chanfod ffurfiau amgen o wybodaeth.
Mae pob un o'r llyfrgelloedd yn cynnig offer cynorthwyol ychwanegol megis:
- bysellfyrddau a llygod gwahanol
- chwyddwyr fideo
- desgiau y gellir addasu eu huchder.
Mae hefyd nifer o raglenni meddalwedd cynorthwyol drwy cyfrifiaduron rhwydwaith y campws i'ch cefnogi gyda'ch astudiaethau. I gael gwybod mwy am sut y gall y technolegau hyn eich cynorthwyo, siaradwch ag un o'n cysylltiadau anabledd yn llyfrgell eich Ysgol.
Benthyciadau llyfrgell estynedig
Mae gan rai myfyrwyr hefyd hawl i ddefnyddio gwasanaeth benthyciadau estynedig y llyfrgell fel addasiad rhesymol. Mae’n golygu pan fyddwch yn benthyg llyfrau o’r llyfrgell, a phan fyddwch yn eu hadnewyddu, fod y cyfnodau benthyg undydd, tridiau, wythnos a phythefnos yn cael eu dyblu’n awtomatig.
Byddwch yn ymwybodol na fydd eitemau benthyciad pedair wythnos yn cael eu hymestyn.