Dinas y Goleuni: Paris 1900-1950

Yn 2014, penodwyd Dr Caroline Rae yn Gynghorydd Cyfres i brosiect gŵyl newydd o bwys gan Gerddorfa Philharmonia, gan gydnabod ei harbenigedd mewn cerddoriaeth Ffrengig yr ugeinfed ganrif.

Yn ogystal â chynghori ar raglennu'r repertoire cerddorfaol a siambr dan sylw, cydlynodd Dr Rae gyfres o ddiwrnodau astudio a chyflwyniadau, yn ogystal ag ysgrifennu nodiadau rhaglenni ac erthyglau ar gyfer Llyfr Gŵyl Dinas y Goleuni.

Rhoddodd gyflwyniadau cyn-gyngerdd yn Llundain yn y Royal Festival Hall a’r Coleg Cerdd Brenhinol, yn ogystal ag yng Nghaerdydd, a bu’n gyd-gynullydd i gynhadledd ryngwladol Dinas y Goleuni yn yr Institut français yn 2015.

Adnoddau digidol

Cefnogwyd cyngherddau’r Ŵyl gan ystod o adnoddau digidol a oedd yn cynnig dealltwriaeth i gynulleidfaoedd o amrywiaeth gyfoethog cerddoriaeth Ffrengig rhwng 1900 a 1950.

Mae cyfraniad Dr Rae at yr adnoddau hyn yn cynnwys mapiau rhyngweithiol, erthyglau a chyfres o ffilmiau, a saethodd hi ym Mharis.

Rhaglen yr ŵyl

Dinas y Goleuni: Archwiliodd ‘Paris 1900-1950’ gyfnod La Belle Époque a Les Années hyd at y cyfnod ar ôl yr Ail Ryfel Byd, yn cynnwys cerddoriaeth o Pelléas et Mélisande gan Debussy i Turangalîla-Symphonieas gan Messiaen.

Dyma oedd y trac sain i archwiliad o'r gelf, llenyddiaeth, dawns, pensaernïaeth a hanes cymdeithasol-wleidyddol a ddenodd artistiaid blaenllaw'r oes i Baris o bob rhan o Ewrop.