Prosiectau
Mae ein haelodau staff ar hyn o bryd yn ymchwilio amrywiaeth helaeth o bynciau cerddorol.
Mae gennym bortffolio amrywiol o brosiectau ymchwil, gan gynnwys llawer o fethodolegau megis braslun astudiaethau, dadansoddi, ymchwil archifol, golygu a ffiloleg, iconograffeg, estheteg, theori ddiwylliannol a chritigol, ethnograffeg, hanes llafar, microhanes, a’r dyniaethau digidol.
Sbotolau - gwaith newydd
Ar hyn o bryd, mae Dr Carlo Cenciarelli'n archwilio gwrando sinematig ac i ba raddau mae confensiynau sinematig bellach yn llywio ein dealltwriaeth o synau a delweddau y tu allan i'r sinema.
Dyma faes newydd o astudiaeth ryngddisgyblaethol gyda dau brif amcan:
- Gwell dealltwriaeth o sut mae gwrando ar ffilmiau wedi'i wreiddio mewn arferion testunol, gofodol a hanesyddol penodol.
- Archwilio sut y gallai dulliau gwrando ar ffilmiau estyn y tu hwnt i destunau, lleoedd a sefydliadau sinema.
Prosiectau cyfredol
Prosiectau blaenorol
Archwiliwch rai o'n prosiectau ymchwil ar raddfa fawr a gwblhawyd yn y ddeng mlynedd ddiwethaf i gael mewnwelediad i'n harbenigedd a'n hangerdd.
Offerynnau Rhyfel
Dyfarnodd Prifysgol Caerdydd gymrodoriaeth ymchwil i Dr John Morgan O'Connell i astudio cerddoriaeth yn yr Ymerodraeth Otomanaidd yn ystod y Rhyfel Byd Cyntaf.
Roedd ei gynnig, o’r enw Offerynnau Rhyfel, yn adlewyrchu diddordeb parhaus ynghylch rôl cerddoriaeth pan fydd gwrthdaro a lle cerddoriaeth wrth ddatrys gwrthdaro.
Mae casgliad Dr O’Connell a olygwyd yn 2010Music and Conflict (wedi'i gyd-olygu gyda Salwa El-Shawan Castelo-Branco) yn amlygu rôl cerddoriaeth wrth gymell a datrys sbectrwm o wrthdaro cymdeithasol a gwleidyddol yn y byd cyfoes. Mae hefyd wedi ysgrifennu ar y pwnc ar gyfer y cyfnodolyn Ethnomusicology.
Roedd y dyfarniad hwn yn gyson â diddordeb ehangach ym Mhrifysgol Caerdydd mewn coffáu'r Rhyfel Mawr yng Nghymru. Er mai’r bwriad yn wreiddiol oedd cyhoeddi deunyddiau yn ymwneud â cherddoriaeth yn Ymgyrch y Dwyrain Canol (1914-1918), roedd cynnig ymchwil Dr O'Connell hefyd wedi creu perthynas ar gyfer gwaith ar y cyd rhwng Prifysgol Caerdydd ac Amgueddfa Genedlaethol Cymru lle mae cerddoriaeth yn cael ei hystyried yn rhan annatod o’r fenter ar y Rhyfel Byd Cyntaf.
Darllenwch gofnod blog wedi'i archifo i gael rhagor o wybodaeth am y prosiect hwn ac am gerddoriaeth yn yr Ymerodraeth Otomanaidd yn ystod y Rhyfel Byd Cyntaf.
