Composition

Mae Cyfansoddi yn yr Ysgol Cerddoriaeth yn adran amrywiol, fywiog ac eclectig. Rydym yn addysgu cyfansoddi ar lefel israddedig, gradd Meistr a PhD.

Cyn dod i astudio yn y brifysgol, mae gan lawer o fyfyrwyr gefndir cymysg iawn o ran addysg gyfansoddi, ond ar ôl dechrau yn y flwyddyn gyntaf, mae llawer yn gweld mai hon yw un o’u hoff elfennau yn eu gradd israddedig. Mae llawer o'n myfyrwyr cyfansoddi’n dewis parhau i astudio ar gyfer gradd Meistr a PhD mewn cyfansoddi. Mae sawl un o gyn-fyfyrwyr yr Ysgol wedi mynd ymlaen i ddod yn gyfansoddwyr proffesiynol gweithgar.

Rydym yn cynnig amrywiaeth eang o fodiwlau cyfansoddi drwy’r rhaglenni israddedig a rhaglenni Meistr ynghyd ag amrywiaeth o fodiwlau technegol a cherddoleg ychwanegol.

Gweithdai

Mae cyfansoddwyr gwadd, perfformwyr proffesiynol ac ensembles yn ymweld â’r Ysgol yn rheolaidd i gynnal gweithdai a seminarau cyfansoddi.

Mae hyn yn rhoi cyfle ichi glywed eich cerddoriaeth yn dod yn fyw ac ennill profiad ymarferol yn gweithio gyda pherfformwyr i wireddu eich syniadau cyfansoddi mewn awyrgylch cyfeillgar a chefnogol.

Seminarau Cyfansoddi Wythnosol

Mae ein cyfansoddwyr yn croesawu gwesteion gwadd i siarad am amrywiaeth eang o faterion pwysig sy’n berthnasol i’r ddisgyblaeth. Gall y seminarau hyn gynnwys trafodaethau â chyfansoddwyr sy’n ymweld; cyflwyniadau gan fyfyrwyr PhD; a dadansoddiad o dechnegau cyfansoddi.

Arddangos Cyfansoddi Blynyddol

Mae ein cyfansoddwyr ôl-raddedig yn trefnu cyngerdd arddangos blynyddol sy'n cynnwys gwaith diweddar gan ein myfyrwyr presennol; mae'n un o uchafbwyntiau'r gyfres cyngherddau yn ystod semester y gwanwyn. Mae ein cyfansoddwyr PhD hefyd yn trefnu cyngherddau o gyfansoddiadau gan fyfyrwyr Blwyddyn 1 a 2.

Diwrnod Astudio 'Sylw i Gyfansoddwr'

Bob blwyddyn, mae Dr Bickerton yn trefnu cyfle i gyfansoddwyr israddedig ac ôl-raddedig ddathlu gwaith cyfansoddwr penodol yn eu ffordd unigryw eu hunain. Mae cyfle i fyfyrwyr cyfansoddi glywed eu gwaith wedi’u perfformio mewn cyngerdd prynhawn ar ôl bore dwys o weithdai a thrafodaethau seminar gyda siaradwyr gwadd.

Mae’r dathliadau blaenorol wedi cynnwys Canmlwyddiant Britten (2013), 'Buddugoliaeth Amser?' Ymatebion i Birtwistle yn 80 (2014), La Monte Young yn 80 (2015), a Reich yn 80 (2016). Howard Skempton fydd y cyfansoddwr o dan sylw yn 2017.

Staff Cyfansoddi

Mae gan y staff cyfansoddi broffiliau cenedlaethol a rhyngwladol cadarn. Mae gweithiau gan: