Sbaeneg

Iaith â chyrhaeddiad byd-eang, ac sydd wedi'i dylanwadu gan etifeddiaeth ddiwylliannol amrywiol.

Sbaeneg yw un o'r ieithoedd mwyaf arwyddocaol – o ran siaradwyr brodorol a chyrhaeddiad rhyngwladol. Fe’i defnyddir yn Sbaen, America Ladin, rhai rhannau o Affrica, ac yn gynyddol yn yr Unol Daleithiau.

Ein cyrsiau

Pam astudio Sbaeneg?

Mae siarad Sbaeneg yn eich galluogi i astudio diwylliannau bywiog, llenyddiaeth a gwleidyddiaeth y byd Sbaenaidd. Mae hefyd yn elfen annatod o fasnach ryngwladol, o ystyried dylanwad cynyddol gwledydd America Ladin.

Mae galw mawr am raddedigion mewm Sbaeneg ymhlith cyflogwyr amlwladol sy'n gosod gwerth ar y sgiliau iaith, cyfathrebu a rhyngddiwylliannol a ddatblygir ar gyrsiau iaith. Gall cwrs Sbaeneg agor y drws i ystod o gyfleoedd gyrfa cyffrous mewn meysydd megis gwleidyddiaeth neu fusnes rhyngwladol, ymgynghori, manwerthu a marchnata, cyllid, addysgu a chyfieithu/cyfieithu ar y pryd.

Ein partneriaethau iaith

Rydyn ni’n gweithio gyda Swyddfa Addysg Llysgenhadaeth Sbaen (SEEO) i gefnogi myfyrwyr sy’n dysgu Sbaeneg a chodi ymwybyddiaeth o bwysigrwydd sgiliau Sbaeneg.

Ein partneriaeth â’r SEEO yw’r cyntaf o’i math rhwng y swyddfa a darparwr addysg uwch yng Nghymru.