Almaeneg

Pwerdy economaidd yn Ewrop yw’r Almaen, ac Almaeneg yw un o’r prif ieithoedd ym myd busnes.

Mae galw mawr am siaradwyr Almaeneg ymysg cyflogwyr mewn amrediad o feysydd y tu hwnt i fyd busnes, gan gynnwys y cyfryngau, y celfyddydau, addysgu, cyfieithu, cyhoeddi, y Gwasanaeth Sifil, marchnata a chyllid.

Ein cyrsiau

Trwy gynnig cymorth wedi’i deilwra, addysgu, a chyfleoedd allgyrsiol, byddwch chi’n datblygu ac yn adeiladu eich sgiliau iaith. Bydd ein cwricwlwm hefyd yn eich helpu i ddatblygu gwybodaeth fanwl ynghylch y byd Almaeneg, ei iaith a’i ddiwylliant. Bydd hyn yn cynnwys cyfnod o astudio, gweithio neu addysgu dramor.

Fe gewch chi gyfle hefyd i wneud modiwlau dewisol a fydd yn gydnaws â'ch astudiaethau iaith a chyfathrebu craidd, i gyd wedi’u llunio o amgylch pynciau arbenigol sy'n cyd-fynd â'n harbenigedd addysgu ac ymchwil.

Fe gewch chi flas ar ystod o ddulliau addysgu a chymysgedd o asesiadau traddodiadol a rhai arloesol – o arholiadau a thraethodau, i flogiau, cyflwyniadau, adolygiadau ffilm, a thraethodau ffotograffau.

Rydyn ni’n ymfalchïo yn ein gweithgareddau allgyrsiol, sy’n creu ymdeimlad cryf o gymuned, cynnig cyfleoedd ichi rwydweithio, a chreu ffyrdd newydd o ddefnyddio eich sgiliau iaith. Ymhlith y rhain y mae clwb ffilmiau rheolaidd, ein cylchgrawn myfyrwyr 'Leckerbissen', darlleniadau cyhoeddus gan awduron Almaeneg, arddangosfeydd, a mynediad at Gymdeithas Almaeneg frwdfrydig sy'n cael ei rhedeg gan fyfyrwyr sy'n trefnu gweithgareddau, digwyddiadau cymdeithasol, a theithiau gydol y flwyddyn.

Ein partneriaethau iaith

Rydyn ni’n ffodus mai ni yw’r unig Adran Almaeneg yn y DU sydd â phresenoldeb ar y safle o'r Goethe-Institut, sefydliad diwylliannol cenedlaethol yr Almaen, yn ogystal â bod yn ganolfan arholi ardystiedig Goethe Institut.