DELE Sbaeneg

Cymwysterau swyddogol sy'n ardystio lefel cymhwysedd a hyfedredd wrth ddefnyddio'r Sbaeneg yw Diplomâu Sbaeneg yn Iaith Dramor neu DELE.

Rydyn ni’n ganolfan sy’n trefnu’r arholiadau hyn a ddyfernir gan Instituto Cervantes ar ran Gweinyddiaeth Addysg, Diwylliant a Chwaraeon Sbaen. Rydyn ni’n cynnal cyrsiau iaith a all eich helpu i baratoi ar gyfer yr arholiadau hyn.

Ffioedd arholiadau a’r amserlen

Mae ffioedd yr arholiad yn berthnasol i ymgeiswyr mewnol ac allanol fel ei gilydd. Mae’r arholiadau’n cael eu cynnal ym mis Mai bob blwyddyn, a gallwch chi gofrestru i’w sefyll yn ystod mis Mawrth. Yn 2025, cynhelir yr arholiadau ddydd Sadwrn 24 Mai a'r dyddiad olaf i gofrestru yw 3 Ebrill 2025.

Lefel	Ffi
A1	£125
A2	£165
B1	£180
B2	£200
C1	£210
C2	£240

Papurau ymarfer

Mae papurau ymarfer ar gael gan yr Instituto Cervantes.

Cofrestru

I gofrestru ar gyfer yr arholiad, llenwch a dychwelyd ffurflen gofrestru DELE. Dylech chi anfon llungopi o ddogfen adnabod sy’n dangos llun ohonoch chi (pasbort, trwydded yrru ac ati) gyda’ch ffurflen gais a’ch taliad. Anfonwch e-bost aton ni i gael dolen i dalu'n ddiogel ar-lein.

Ar ôl cofrestru'n llwyddiannus, byddwn ni’n anfon cadarnhad ymrestru atoch. Yn agosach at ddyddiad yr arholiad, byddwn ni’n anfon datganiad atoch fydd yn cadarnhau dyddiad a lleoliad yr arholiad.

Cysylltwch â ni