Mynegai Ansawdd Bywyd Pobl Ifanc yn eu Harddegau

Mae’r holiadur Ansawdd Bywyd Pobl Ifanc yn eu Harddegau (T-QoL) wedi'i gynllunio i fesur effaith bresennol unrhyw glefyd croen ar ansawdd bywyd pobl ifanc yn eu harddegau/y glasoed.

Mae T-QoL yn cynnwys 18 o gwestiynau. Mae'n hunanesboniadol a gellir yn syml ei roi i'r claf a gofyn iddo ei lenwi, heb fod angen esboniad manwl.

Pwy all ei ddefnyddio

Gall unrhyw berson ifanc yn ei arddegau/y glasoed sydd â chyflwr neu glefyd croen gwblhau T-QoL.

Gall T-QoL gael ei ddefnyddio gan glinigwyr i helpu gydag ymgynghoriadau clinigol, gwerthusiadau a phenderfyniadau clinigol a wneir gan gwmnïau fferyllol, sefydliadau er elw, myfyrwyr neu ymchwilwyr.

Yn dibynnu ar bwy ydych chi ac at ba ddiben rydych chi'n defnyddio'r holiadur, efallai y bydd angen i chi wneud cais am drwydded a thalu ffi.

Dysgwch fwy am bwy all ddefnyddio'r holiadur hwn a sut i'w weinyddu.

Ystod oedran

Mae T-QoL yn holiadur sydd wedi'i gynllunio ar gyfer pobl rhwng 12 a 19 oed (h.y. hyd at 19 mlwydd ac 11 mis).

Amser cwblhau

Mae’r holiaduron fel arfer yn cael eu cwblhau mewn un i ddwy funud.

Cyfnod cofio

Mae'r cwestiynau'n ymwneud â'r profiadau ar adeg eu cwblhau.

Lawrlwythwch yr holiadur

Fersiynau mewn ieithoedd gwahanol

Mae'r ffeil zip hon yn cynnwys yr holiadur yn Sbaeneg, ynghyd â'r dystysgrif cyfieithu. Bydd mwy o ieithoedd yn cael eu hychwanegu pan fyddant ar gael. Dysgwch ragor am ein proses gyfieithu a dilysu ieithyddol, a beth i'w wneud os hoffech chi greu cyfieithiad newydd.

Sut i'w sgorio

Mae sgôr pob cwestiwn fel a ganlyn:

• Byth = 0
• Weithiau = 1
• Bob amser = 2

Caiff cyfanswm sgôr T-QoL ei gyfrifo drwy adio sgôr pob un o'r 18 cwestiwn at ei gilydd, gan arwain at uchafswm posibl o 36 ac isafswm o 0.

Rhennir y cwestiynau yn T-QoL yn dair rhan (parthau):

• Hunan-ddelwedd (8 cwestiwn)
• Lles corfforol a dyheadau ar gyfer y dyfodol (4 cwestiwn)
• Effaith seicolegol a pherthnasoedd (6 chwestiwn)

Gellir adrodd y sgôr T-QoL hefyd fel tri sgôr ar wahân:

• T-QoL hunan-ddelwedd (ystod sgôr 0-16)
• T-QoL corfforol/dyfodol (ystod sgôr 0-8)
• T-QoL seicolegol/perthnasoedd (ystod sgôr 0-12)

Ystyr sgoriau

Po uchaf yw'r sgôr, y mwyaf yw'r effaith ar ansawdd bywyd.

Hawlfraint

Mae T-QoL o dan hawlfraint fyd-eang, felly ni ddylech newid fformat, geiriad na dyluniad yr holiadur.

Rhaid ailargraffu'r datganiad hawlfraint bob amser ar ddiwedd pob copi o'r holiadur hwn ym mha bynnag iaith:

© MS Salek, MKA Basra, AY Finlay, Gorffennaf 2011

Trwy gytundeb, mae'r Brifysgol bellach yn berchen ar ac yn gweinyddu'r holl faterion hawlfraint sy'n ymwneud â T-QoL.

Datblygwyd T-QoL gan Dr M K A Basra a'r Athro A Y Finlay o'r Adran Dermatoleg ac Iacháu Clwyfau, Yr Ysgol Meddygaeth, a’r Athro M S Salek o'r Ganolfan Ymchwil Ffarmacoeconomaidd, Ysgol Fferylliaeth a Gwyddorau Fferyllol Caerdydd.

Cyhoeddiad gwreiddiol

Basra MKA, Salek MS, Fenech D, Finlay AY. Conceptualization, development and validation of T-QoL© (Teenagers’ Quality of Life): a patient-focused measure to assess quality of life of adolescents with skin diseases. British Journal of Dermatology 2018; 178: 161-175.

Cyhoeddiadau allweddol eraill

• Golics CJ, Basra MKA, Finlay AY, Salek MS. Adolescents with skin disease have specific quality of life issues. Dermatology 2009; 218:357–66.
• Prinsen CAC.  T-QoL: a quality of life outcome measure specifically developed for adolescents with skin diseases. Br J Dermatol 2018; 178: 23-25.
• de Vere Hunt I, Chapman K, Wali G, Bullus S, Fisher R, Matin R, McPherson T. Establishing and developing a teenage and young adult dermatology clinic with embedded psychological support.  Clin Exp Dermatol 2019 Feb 19. doi: 10.1111/ced.13950
• Alonso-Naranjo L, Berna-Rico E, Blanco Abbad-Jaime de Aragón C, Castañeda-Vozmediano R, Prieto-López L, Sánchez-Moya AI, Pérez-Hortet C, González-Cantero Á.Actas Dermosifiliogr. Spanish Version of Teenagers' Quality of Life (T-QoL) for Adolescents with Skin Diseases: Translation, Cultural Adaptation and Validation.
  2023 Jan 20:S0001-7310(23)00042-X. doi: 10.1016/j.ad.2023.01.003. Online ahead of print.PMID: 36690147 Free article. English, Spanish.

Cysylltu â ni

Os oes gennych unrhyw gwestiynau, neu os oes gennych adborth ar ein tudalennau gwe, cysylltwch â ni.

Ymholiadau cyffredinol

Ymholiadau trwyddedu, ariannol a chytundebol

Awduron T-QoL

• Yr Athro Andrew Y Finlay
• Yr Athro Sam Salek
• Dr Mohammad KA Basra