Mynegai Ansawdd Bywyd Dermatoleg y Teulu

Mae Mynegai Ansawdd Bywyd Dermatoleg y Teulu yn holiadur a gynlluniwyd ar gyfer aelodau o deulu neu bartneriaid sy'n oedolion (dros 16 oed) cleifion (o unrhyw oed) sydd ag unrhyw glefyd croen.

Mae'n hunanesboniadol a gellir ei roi’n rhwydd i aelod o deulu/partner y claf, fydd yn ei gwblhau heb fod angen esboniad manwl.

Mae'r holiadur wedi'i gynllunio i'w ddefnyddio ar ei ben ei hun neu fel mesur canlyniad ychwanegol gydag unrhyw holiadur a gwblheir gan y claf, fel y Mynegai Ansawdd Bywyd Dermatoleg.

Pwy all ei ddefnyddio

Gall clinigwyr, cwmnïau fferyllol, cwmnïau er elw, myfyrwyr neu ymchwilwyr ddefnyddio'r holiadur mewn amrywiaeth o leoliadau.

Gan ddibynnu pwy ydych chi ac at ba ddiben rydych chi'n defnyddio'r holiadur, efallai y bydd angen i chi wneud cais am drwydded a thalu ffi.

Darllenwch fwy am bwy all ddefnyddio'r holiadur hwn a sut i'w weinyddu.

Amser cwblhau

Caiff ei gwblhau fel arfer o fewn dau i dri munud.

Cyfnod adalw

Mae'r cwestiynau wedi'u cynllunio i gael eu cwblhau o fewn cyfnod adalw o fis.

Lawrlwytho’r holiadur

Fersiynau mewn ieithoedd gwahanol

Mae'r ffeil zip hon yn cynnwys yr holiaduron mewn ieithoedd gwahanol, ynghyd â'r tystysgrifau cyfieithu. Darllenwch ragor am ein proses gyfieithu a dilysu ieithyddol, a beth i'w wneud os hoffech chi greu cyfieithiad newydd.

Sut i'w sgorio

Caiff pob cwestiwn ei sgorio fel a ganlyn:

• Ddim o gwbl/Ddim yn berthnasol = 0
• Ychydig = 1
• Cryn dipyn = 2
• Llawer iawn = 3
• Ddim yn berthnasol = 0
• Cwestiwn heb ei ateb = 0

Caiff cyfanswm y sgôr ei gyfrifo drwy adio sgôr pob cwestiwn gan arwain at uchafswm o 30 ac isafswm o 0.

Po uchaf yw'r sgôr, y mwyaf mae’r cyflwr yn amharu ar ansawdd bywyd. Gellir mynegi’r holiadur hefyd fel canran o’r sgôr uchaf posibl o 30.

Dehongli holiaduron a gwblhawyd yn anghywir

Mae'r gyfradd sy'n llwyddo i gwblhau'r holiadur yn gywir yn uchel iawn. Fodd bynnag, o bryd i'w gilydd ceir camgymeriadau. Os gadewir un cwestiwn heb ei ateb, caiff hwn sgôr o 0 a chaiff y sgoriau eu crynhoi a'u mynegi fel arfer allan o uchafswm o 30.

Os gadewir dau gwestiwn neu fwy heb eu hateb, ni chaiff yr holiadur ei sgorio. Os caiff dau neu fwy o opsiynau ymateb eu ticio, dylid cofnodi'r opsiwn ymateb sydd â'r sgôr uchaf. Os ceir ymateb rhwng dau flwch ticio, dylid cofnodi'r isaf o'r ddau opsiwn ymateb.

Hawlfraint a chofrestru

Mae Mynegai Ansawdd Bywyd Dermatoleg y Teulu dan hawlfraint fyd-eang, felly rhaid i chi beidio â newid fformat, geiriad na dyluniad yr holiadur.

Rhaid ailargraffu'r datganiad hawlfraint bob amser ar ddiwedd pob copi o'r holiadur hwn ym mha bynnag iaith:

© M K A Basra, A Y Finlay, Prifysgol Caerdydd 2005.

Trwy gytundeb, mae'r Brifysgol bellach yn berchen ar ac yn gweinyddu'r holl faterion hawlfraint sy'n ymwneud â Mynegai Ansawdd Bywyd Dermatoleg y Teulu.

Cofrestriad Llyfrgell y Gyngres UDA

Rhif: TXu1-296-736
Dyddiad cofrestru: 14 Ebrill 2006
Awduron: Dr M K A Basra a'r Athro A Y Finlay

Cyhoeddiad gwreiddiol

Basra MKA, Sue-Ho R, Finlay AY. The Family Dermatology Life Quality Index; measuring the secondary impact of skin disease. Br J Dermatol 2007; 156: 528-538. Erratum: British Journal of Dermatology 2007; 156: 791 (Rhoddir y Mynegai Ansawdd Bywyd Dermatoleg y Teulu cywir yma).

Cyhoeddiadau allweddol eraill

• Basra M K A, Finlay A Y. The family impact of skin diseases: the Greater Patient concept. Br J Dermatol 2007; 156: 929-937.
• MKA Basra, O Edmunds, MS Salek, AY Finlay. Measurement of family impact of skin disease: further validation of the Family Dermatology Life Quality Index (FDLQI). J Eur Acad Dermatol Venereol 2008. 22: 813-821.
• Higaki Y, Tanaka M,Futei Y,Kamo T,Basra MKA, Finlay AY. Japanese Version of the Family Dermatology Life Quality Index: translation and validation. Journal of Dermatology 2017; 44(8): 914-919.

Cysylltu â ni

Os oes gennych unrhyw gwestiynau, neu os oes gennych adborth ar ein tudalennau gwe, cysylltwch â ni.

Ymholiadau cyffredinol

Ymholiadau trwyddedu, ariannol a chytundebol