Holiadur Effaith Deuluol Dermatitis

Mae'r holiadur hwn yn mesur faint mae bod â phlentyn â dermatitis atopig yn effeithio ar ansawdd bywyd aelodau eraill (oedolion) y teulu.

Cynlluniwyd iddo gael ei gwblhau gan oedolion (16 oed a throsodd) sydd â phlentyn (hyd at ac yn cynnwys 15 mlynedd ac 11 mis) â dermatitis atopig yn y teulu.

Pwy sy’n gallu ei ddefnyddio

Gall clinigwyr, cwmnïau fferyllol, cwmnïau er elw, myfyrwyr neu ymchwilwyr ddefnyddio'r holiadur mewn amrywiaeth o leoliadau.

Gan ddibynnu ar bwy ydych, ac at ba ddiben rydych yn defnyddio'r holiadur, efallai y bydd angen i chi wneud cais am drwydded a thalu ffi.

Darganfyddwch ragor am bwy sy’n gallu defnyddio’r holiadur hwn a sut y dylai gael ei gwblhau.

Cyfnod galw’n ôl

Cynlluniwyd i’r holiadur gael ei gwblhau o fewn cyfnod galw’n ôl o un wythnos.

Lawrlwythwch yr holiadur

Fersiynau mewn ieithoedd gwahanol

Mae'r ffeil zip hon yn cynnwys yr holiadur mewn ieithoedd gwahanol, ynghyd â'r tystysgrifau cyfieithu. Darganfyddwch ragor am ein proses cyfieithu a dilysu ieithyddol a’r hyn i'w wneud os hoffech greu fersiwn iaith newydd.

Sut i'w sgorio

Rhoddir sgôr o 0 i 3 i bob ateb.

Dyma’r system sgorio ar gyfer yr holiadur hwn:

• Ddim o gwbl = 0
• Ychydig = 1
• Cryn dipyn = 2
• Llawer iawn = 3

Bydd yr holl sgoriau’n cael eu hadio at ei gilydd. Y sgôr isaf bosibl yw 0 (= dim effaith ar y teulu). Y sgôr fwyaf bosibl yw 30 (= effaith fwyaf ar y teulu).

Nid oes disgrifiadau a ddilyswyd o fandiau sgôr wedi’u cyhoeddi eto.

Hawlfraint

Mae'r holiadur Effaith Deuluol Dermatitis wedi'i hawlfreinio. Felly, mae’n rhaid i chi beidio â newid ei fformat, ei eiriad a’i dyluniad.

Mae’r datganiad o ran hawlfraint, y mae’n rhaid ei ddangos bob amser ar ddiwedd pob copi o’r holiadur Effaith Deuluol Dermatitis, fel a ganlyn:

© M S Lewis-Jones, A Y Finlay, 1995

Drwy gytundeb, y Brifysgol sydd â’r hawlfraint i’r holiadur Effaith Deuluol Dermatitis erbyn hyn ac sy’n gweinyddu pob mater sy’n ymwneud â’r hawlfraint honno.

Cyhoeddiad gwreiddiol

Lawson V, Lewis-Jones M S, Finlay A Y, Reid P, Owens R G. The family impact of childhood atopic dermatitis: the Dermatitis Family Impact Questionnaire. Br J Dermatol, 1998; 138: 107-113

Cyhoeddiadau allweddol eraill

• Beattie P E, Lewis-Jones M S. An audit of the impact of a consultation with a paediatric dermatology team on quality of life in infants with atopic eczema and their families: further validation of the Infants' Dermatitis Quality of Life Index and Dermatitis Family Impact score. Br J Dermatol 2006; 155: 1249-1255
• Dodington S R, Basra M K, Finlay A Y, Salek M S. The Dermatitis Family Impact questionnaire: a review of its measurement properties and clinical application. Br J Dermatol 2013; 169: 31-46

Cysylltu â ni

Os bydd gennych unrhyw gwestiynau, neu os hoffech roi adborth ar ein tudalennau gwe, cysylltwch â ni.

Ymholiadau cyffredinol

Ymholiadau trwyddedu, ariannol a chytundebol