Mae’n bleser gennyn ni gyhoeddi y bydd ein 16eg Cyfarfod Rhyngwladol Adenofirws (#IAMXVI) yn cael ei gynnal yng Nghaerdydd, sef prifddinas Cymru.

Dinas fywiog a deinamig yw Caerdydd, sy’n llawn hanes, mythau a chwedlau (ac mae'r Cymry'n hoff iawn o ddraig, sy’n egluro’r logo a ddefnyddion ni ar gyfer y cyfarfod eleni). Mae Castell Caerdydd, sy’n sefyll yng nghanol y ddinas, yn eiconig ac yn dyddio’n ôl i 55OC, sy’n golygu ei fod bron yn 2000 oed. Mae Caerdydd hefyd yn adnabyddus am fod yn fan geni’r awdur i blant, Roald Dahl, am ei mannau gwyrdd megis Parc Bute, ac am ei harcedau – ac mae’r rhan fwyaf o’r rhain yn dyddio'n ôl i’r Oes Edwardaidd a Fictoraidd.

Pleser mawr yw gallu croesawu’r gymuned adenofirws i’n prifddinas heulog yn ne Cymru. Gobeithiwn ni y byddwch chi’n mwynhau eich amser yma, ac efallai y byddwch chi hyd yn oed am ymestyn eich arhosiad i archwilio’r traethau hardd a’r arfordiroedd garw yn ne a gorllewin Cymru.

Cynhelir ein cynhadledd yng Nghanolfan Bywyd y Myfyrwyr, wrth ymyl prif gampws Prifysgol Caerdydd, a hanner milltir o gerdded o ganol dinas Caerdydd. Mae'r adeilad modern hwn yn darparu darlithfeydd modern a mannau ymrannu, gyda digon o leoedd ar gyfer byrddau posteri, mannau golau ac agored ar gyfer rhwydweithio bwrdd posteri, noddwyr ac ar gyfer gweini bwyd a diodydd.

Y Cyfarfod Rhyngwladol Adenofirws yw'r unig gynhadledd sydd wedi’i seilio’n llwyr ar yr adenofirws, sy'n cynnwys pob agwedd ar eu cymwysiadau biolegol, patholegol a biodechnolegol. Dyma’ch gwahodd yn gynnes i fod yn rhan o’r cyfarfod cyffrous hwn yng Nghaerdydd. Dim ond hyn a hyn o leoedd sydd ar gael, felly dyma’ch annog yn gryf i gofrestru’n gynnar.

Rydyn ni’n edrych ymlaen at estyn croeso Cymreig enfawr ichi yng Nghaerdydd, rhannu datblygiadau cyffrous ym maes bioleg adenofirol, datblygu cydweithrediadau newydd, a chreu atgofion gwych gyda'n gilydd.

Pynciau

Ymhlith y pynciau a gaiff eu trafod yn y gynhadledd y bydd:

• strwythur a chydosodiadau
• derbynyddion, mynediad a delio
• Trosiadau a therapi genynnau
• rhyngweithiadau lletywyr firws
• imiwnoleg a phathogenesis
• epidemioleg
• atgynhyrchu
• fectorau oncolytig
• brechlynnau
• hysbysebion sydd ddim yn cynnwys bodau dynol, a llawer mwy

Y Rhaglen

Bydd gwybodaeth am y rhaglen ar gael maes o law.

Dyddiadau pwysig

Y Pwyllgor Trefnu

Manylion cofrestru

Bydd cofrestru ar gael cyn bo hir, mae'r cyfraddau fel a ganlyn (sylwer nad yw'r rhain yn cynnwys llety, y mae'n rhaid eu harchebu ar wahân):

Cofrestrwch yma

Llety

Nid yw'r llety wedi'i gynnwys yn y pris. Er mwyn darparu opsiwn cyllidebol, rydym wedi partneru â Phrifysgol Caerdydd i gadw llety cyllideb yn neuadd y myfyrwyr, Senghennydd Court.

O ran gwestai, mae ystod amrywiol o westai yng nghanol y ddinas, sydd o fewn tafliad carreg i’r brifysgol. Gallwch chi archebu ystafell mewn gwesty ar wefannau’r gwestai. Bydden ni’n argymell ichi archebu ystafell westy’n gynnar, gan fod ystafelloedd yn tueddu i ddiflannu’n chwim, yn enwedig yn ystod yr haf.

Lleoedd i aros yng Nghaerdydd

Cyfleoedd noddi

Mae pecynnau nawdd ar gael ar gyfer y digwyddiad hwn, anfonwch e-bost atom i gael llyfryn noddi: IAMXVI@caerdydd.ac.uk

Noddwyr