Gwyddoniaeth ym Maes Iechyd
Mae’r rhaglen Gwyddoniaeth ym Maes Iechyd wedi bod ar waith ers blynyddoedd lawer a’i nod yw ysbrydoli’r genhedlaeth nesaf o dalent ym maes meddygaeth, gofal iechyd a gwyddoniaeth.
Mae’r rhaglen yn cynnwys:
- Darlithoedd Cyhoeddus – lle mae croeso i bawb
- Gwyddoniaeth ym Maes Iechyd yn Fyw! – ar gyfer myfyrwyr blwyddyn 12
- Cynllun profiad gwaith – ar gyfer myfyrwyr blwyddyn 12
- Her Gwyddorau Bywyd – ar gyfer myfyrwyr blwyddyn 10
Darlithoedd cyhoeddus
Mae’r gyfres o ddarlithoedd cyhoeddus yn cael eu cynnal yn fisol rhwng mis Hydref a mis Ebrill ar ffurf gweminarau Zoom yn rhad ac am ddim. Mae’r darlithoedd yn denu cynulleidfa amrywiol, gan gynnwys aelodau o’r cyhoedd, myfyrwyr ysgol uwchradd a gweithwyr proffesiynol. Nod y gyfres yw tynnu sylw at feysydd sy'n peri pryder ym maes gofal iechyd ac i gyflwyno ymchwil newydd ym maes gwyddoniaeth ac iechyd i'r cyhoedd.
Ceir manylion am y gyfres o ddarlithoedd ddiweddaraf isod. Defnyddiwch y dolenni i gofrestru a bydd manylion ynghylch sut i ymuno â gweminar Zoom yn cael eu hanfon atoch. Gweler darlithoedd blaenorol hefyd trwy'r dolenni isod.
Cyfres o Darlithoedd Cyhoeddus 2024/2025
| Dyddiad ac amser | Teitl | Siaradwr |
|---|---|---|
| Dydd Iau 17 Hydref 2024 19:00 | Beth allwn ni ei ddysgu o glefydau prin? | Dr Elaine Dunlop, Prifysgol Caerdydd (ar y cyd â Pharc Geneteg Cymru) |
| Dydd Iau 14 Tachwedd 2024 19:00 | Brechlynnau yn erbyn y pâs: canrif o wyddoniaeth dda a drwg | Dr David Miles, Ysgol Hylendid a Meddygaeth Drofannol Llundain |
| Dydd Iau Ionawr 16 2025 19:00 | Meddygaeth ar gyfer poblogaeth sy’n heneiddio: lle mae celf a gwyddoniaeth yn cwrdd â’i gilydd | Dr Lucy Pollock, Ymddiriedolaeth Sefydledig GIG Gwlad yr Haf |
| Dydd Iau 6 Chwefror 2025 19:00 | Mathau o Amnesia: Rhai go iawn ac wedi'i efelychu | Yr Athro John Aggleton, Prifysgol Caerdydd |
| Dydd Iau 20 Mawrth 2025 19:00 | Cyd-ddatblygu cymorth iechyd meddwl digidol gyda phobl ifanc | Dr Rhys Bevan-Jones, Prifysgol Caerdydd |
| Dydd Iau 10 Ebrill 2025 19:00 | Defnyddio deallusrwydd artiffisial mewn meddygaeth, a’r goblygiadau o wneud hynny | Dr Athanasios Hassoulas a'r Athro Marcus Coffey, Prifysgol Caerdydd |
Gwyddoniaeth ym Maes Iechyd - yn Fyw!
Mae’r digwyddiad hwn wedi croesawu myfyrwyr i’r Ysgol Feddygaeth ym Mhrifysgol Caerdydd ers dros 30 mlynedd. Caiff ei gynnal yn ysbyty addysgu mwyaf Cymru yn ystod yr Wythnos Gwyddoniaeth a Pheirianneg Cenedlaethol. Mae wedi’i anelu at fyfyrwyr ym Mlwyddyn 12 sy’n astudio Gwyddoniaeth a Mathemateg Safon Uwch ac mae’n rhoi cyfle iddyn nhw ddarganfod mwy am y darganfyddiadau gwyddonol diweddaraf sy’n cael eu cydnabod yn rhyngwladol, yn ogystal â chael gwybod am yr ystod eang o gyfleoedd gyrfaol sydd ar gael ym meysydd gwyddoniaeth a gofal iechyd.
Dyddiadau 2025
Rydym yn falch o gyhoeddi y bydd Gwyddoniaeth mewn Iechyd yn Fyw 2025 yn cael ei gynnal ar 12 Mawrth 2025. Bydd cofrestru yn agor ym mis Hydref 2024.
Gwyddoniaeth ym Maes Iechyd yn Fyw: Pen-blwydd yn 25 oed
Fideo o Gwyddoniaeth ym Maes Iechyd - YN FYW 2019.
Profiad gwaith yn y labordy
Rhaglen o gynlluniau yw hon i ysbrydoli myfyrwyr blwyddyn 12 sydd â diddordeb mewn gwneud gradd sy'n gysylltiedig â gwyddoniaeth neu feddygaeth. Mae’r rhaglen wedi’i chydlynu ac yn parhau i esblygu.
Bydd y myfyrwyr yn cael cyflwyniad cyffredinol i'r wythnos, gan gynnwys amlinelliad o natur y gwaith a wneir yn y labordai ymchwil.
Yn ystod gweddill yr wythnos, bydd myfyrwyr yn cael ystod o brofiadau yn gweithio mewn timau gyda nifer o ymchwilwyr gwahanol a'u grwpiau ymchwil.
Rhoddir cyfleoedd i'r myfyrwyr brofi technolegau arloesol, fel bioleg foleciwlaidd, cytometreg llif, dilyniannau DNA, micro-bigiad wy, firoleg, sbectromedreg màs, grisialograffaeth pelydr-x, ffarmacoleg ac imiwnoleg celloedd, gyda grwpiau ymchwil ar draws yr Ysgol.
Yn hollbwysig, caiff myfyrwyr y cyfle i gwrdd â myfyrwyr PhD a chymrodorion ôl-ddoethurol, a bydd llawer ohonynt ar ddechrau eu gyrfaoedd. Ar y prynhawn olaf, bydd y myfyrwyr yn dod at ei gilydd i ddisgrifio'r hyn maent wedi'i ddysgu yn ystod yr wythnos, a rhoddir gwybodaeth hefyd am broses ymgeisio UCAS.
Ffurflen gais
Cynhelir Profiad Gwaith 2025 rhwng 30 Mehefin a 4 Gorffennaf. Lawrlwythwch y ffurflen gais isod.
Y dyddiad cau ar gyfer ceisiadau yw 30 Ebrill 2025.
Gwyddoniaeth Mewn Iechyd - ffurflen gais profiad gwaith
Darllenwch y ffurflen hon yn ofalus a llenwch pob adran.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Life Sciences Challenge (Her y Gwyddorau Bywyd)
Cystadleuaeth rhwng ysgolion ar gyfer disgyblion blwyddyn 10 sy’n cynnwys cwis. Fe’i dylunnir a’i chyflwyno gan fyfyrwyr doethurol ac ymchwilwyr ar ddechrau eu gyrfaoedd (Ymchwilwyr Ôl-Ddoethurol a Chymrodorion Iau).
Mae'r rhain yn unigolion sy’n frwdfrydig ynghylch gwyddoniaeth, ac sydd wedi dewis ymrwymo eu bywydau i ymchwil wyddonol. Maent am rannu'r brwdfrydedd hwn ynghylch ceisio deall y byd naturiol â disgyblion yng Nghymru.
Drwy roi cyfle i ddisgyblion gwrdd â gwyddonwyr ifanc sy'n gweithio'n lleol, rydym yn gobeithio eu hysbrydoli i ystyried y posibilrwydd o ddilyn gyrfa ym maes gwyddoniaeth.
Bydd rhai o'r cwestiynau'n dilyn y Cwricwlwm Cenedlaethol, ond efallai y bydd rhai eraill yn gofyn am wybodaeth a geir drwy ddarllen/ymchwilio ymhellach.
Yn bwysicach byth, bydd rhai cwestiynau'n profi gallu disgyblion i ddadansoddi data a chymhwyso rhesymeg a gwybodaeth i ddelio â chysyniadau anghyfarwydd. Bydd y cwestiynau'n ymwneud yn bennaf â Bioleg a Chemeg, ond gallant gynnwys agweddau ar Ffiseg a Daeareg pan fo hyn yn ymwneud â deall y byd naturiol.
Sut i gystadlu
I gystadlu fel tîm (neu sawl tîm) yn y rownd ar-lein rhagarweiniol, ebostiwch medicengagement@caerdydd.ac.uk. Y dyddiad cau ar gyfer ceisiadau yw diwedd Ionawr 2025.I gael rhagor o wybodaeth am unrhyw un o'r gweithgareddau hyn cysylltwch â:
