Gweithgareddau cynnwys ac ymgysylltu â chleifion a’r cyhoedd
Gweithio gydag ysgolion
Mae llawer iawn o waith ymgysylltu’n mynd rhagddo ar draws yr ysgol sy'n ceisio ysbrydoli plant ysgol ledled Cymru i ystyried gyrfaoedd ym maes gwyddoniaeth a meddygaeth. Mae rhywfaint o'r gweithgarwch hwn wedi'i gydlynu'n ganolog drwy ein rhaglen ac mae rhywfaint ohono’n canolbwyntio ar ymchwil. Yn ogystal â hyn, mae staff yn ymateb i wahoddiadau achlysurol gan ysgolion a grwpiau lleol i gynnal gweithgareddau ymgysylltu sydd wedi eu teilwra.
Ers 2017, rydyn ni wedi bod yn cynnal cynllun Llysgenhadon MEDIC ar gyfer ein myfyrwyr a'n cyn-fyfyrwyr meddygol sydd eisiau ymgysylltu â phlant ysgol. Bellach mae gennyn ni garfan o dros 150 o Lysgenhadon o bob grŵp blwyddyn sy'n rhannu brwdfrydedd dros feddygaeth ac ysbrydoli'r genhedlaeth nesaf o feddygon a gweithwyr gofal iechyd proffesiynol.
Os oes gan eich ysgol ddiddordeb mewn ymgysylltu â ni, llenwch y ffurflen ar-lein.
Yr ysgolion rydyn ni’n gweithio gyda nhw
Cynnwys y cyhoedd a chleifion
Er mwyn sicrhau bod ein rhaglenni ymchwil yn gyfredol, yn berthnasol, ac yn diwallu anghenion ein cymdeithas newidiol, rydyn ni’n gweithio i ymgorffori diwylliant o gynnwys y cyhoedd a chleifion fel y gallan nhw lywio a dylanwadu ar ymchwil.
Bydd yr arbenigedd a’r cipolygon ychwanegol hyn yn helpu i lywio ffrwyth ymchwil. Gall cynnwys y cyhoedd mewn ymchwil ychwanegu gwerth a sicrhau manteision annisgwyl. Mae tystiolaeth yn dangos ei fod yn gwneud ymchwil yn fwy perthnasol a dibynadwy, ac yn fwy tebygol o gael effaith gadarnhaol ar gleifion o'r herwydd.
Creu partneriaethau ymgysylltu
Rydyn ni’n awyddus i ddatblygu a chynnal partneriaethau ymgysylltu cadarn â’n rhanddeiliaid, sy'n sicrhau manteision i'r ysgol, y gymuned leol, a thu hwnt.
Dylanwadu, ehangu, a hysbysu
Drwy ddatblygu ymchwil sy'n seiliedig ar dystiolaeth, rydyn ni’n ymgysylltu ag amrywiaeth eang o randdeiliaid polisi i wella ein dealltwriaeth o ffrwyth ymchwil, gan gynnwys sut mae ymchwil yn cael ei rhoi ar waith a’i defnyddio.
Er mwyn ehangu a llywio agweddau'r cyhoedd tuag at iechyd a gofal cymdeithasol, rydyn ni hefyd yn cynnal cyfres o ddarlithoedd cyhoeddus rhwng mis Tachwedd a mis Mawrth. Nod y darlithoedd hyn yw canolbwyntio ar feysydd y ceir pryderon yn eu cylch ym maes gofal iechyd a chyflwyno ymchwil newydd ar faterion sy’n ymwneud ag iechyd.
Astudiaethau achos ymgysylltu
Mae gennyn ni ymchwilwyr ym mhob rhan o’r ysgol sy'n ymwneud â phob math o weithgareddau ymgysylltu i gefnogi eu gwaith.
