Datganiad yn dilyn llofruddiaeth George Floyd - 02/06/20

Mae llofruddiaeth George Floyd wedi ein hatgoffa mewn modd trasig o'r ffactorau systemig a'r heriau sy'n wynebu cymdeithas.

Rydym yn deall yr emosiynau a'r teimladau dwfn y mae'r digwyddiad hwn wedi eu hachosi. Byddem yn annog unrhyw fyfyrwyr neu aelodau staff y mae'r sefyllfa hon wedi effeithio arnynt i fanteisio ar ein hadnoddau a'n cefnogaeth, gan gynnwys ein Panel Goruchwylio Cydraddoldeb Hiliol, gwasanaethau cymorth i fyfyrwyr, ac – ar gyfer staff – Care First.

Ym Mhrifysgol Caerdydd, rydym wedi ymrwymo i greu cymuned sy'n seiliedig ar urddas, cwrteisi a pharch: cymuned lle gall pawb deimlo'n hapus i fod fel y dymunant fod, a ffynnu ar sail hynny. Nawr, yn fwy nag erioed, mae'n rhaid inni ganfod cryfder yn yr egwyddorion hynny.

Byddwn yn parhau i ddefnyddio ein cryfderau ymchwil i helpu creu byd gwell: trwy addysgu, trwy sicrhau bod ein llais yn cael ei glywed yn y gyhoeddfa, a thrwy baratoi ein myfyrwyr i gyfranogi o'n cymdeithas ddemocrataidd mewn modd gweithredol.

Rydym yn ddiwyro: nid oes lle i hiliaeth a chamwahaniaethu yn ein cymdeithas ni.