Rhaglenni Cyfunol

Mae technoleg yn rhan annatod o'n byd ni heddiw, ac o brofiadau'r mwyafrif o ddysgwyr. Mae gan dechnoleg y potensial i wella'r profiad dysgu, ei wneud yn fwy rhyngweithiol, hwyluso dysgu sy'n seiliedig ar ymchwiliadau a rhoi gwahanol ffyrdd i fyfyrwyr o weld pwnc a chael gafael ar ddeunyddiau. Mae Dysgu Cyfunol yn adnodd pwerus i'r addysgwr, yn enwedig mewn addysg uwch. Dyma lle cyfunir technoleg a dulliau traddodiadol o ddysgu. Gall Dysgu Cyfunol gynnwys amrywiaeth o ddulliau, megis:

• Integreiddio technoleg i ddysgu didactig, i gynyddu ymgysylltiad neu gyfleu gwybodaeth mewn ffordd fwy ystyrlon neu bwerus;
• Defnyddio technoleg i gefnogi sut mae myfyrwyr yn cwestiynu neu'n chwilio am wybodaeth yn y dosbarth;
• Defnyddio llwyfannau meddalwedd i hwyluso cyfathrebu, naill ai yn y dosbarth neu y tu allan iddi;
• Defnyddio technoleg i alluogi myfyrwyr i ystyried problem o wahanol safbwyntiau;
• Datblygu Sgiliau Llythrennedd Digidol a gwerthfawrogi sut y gellir defnyddio technoleg fel adnodd i gefnogi dysgu.

Mae defnyddio Dysgu Cyfunol yn gallu bod yn heriol i fyfyrwyr a staff academaidd os nad ydynt yn gyfarwydd â defnyddio technolegau wrth ddeall sut i'w defnyddio ac at ba ddiben. Nod yr adran hon o'r Ganolfan Dysgu yw rhoi enghreifftiau ymarferol o sut y gellir defnyddio technoleg i ehangu'r profiad dysgu, ei gyfoethogi a'i wneud yn ddyfnach, yn haws ac yn fwy effeithiol.