Cwricwlwm Cynhwysol

Mwy am y pwnc hwn

Mae Prifysgol Caerdydd yn croesawu staff a myfyrwyr o bedwar ban byd, yn ogystal â Chymru a gweddill y DU. Mae hyn yn arwain at gymuned gyfoethog ac amrywiol o ddysgwyr. Fel sefydliad Cymreig, mae’r Brifysgol hefyd yn cynnig amrywiaeth o gyfleoedd i ddysgu ac astudio yn Gymraeg.

Nod Caerdydd yw cynnig profiad dysgu gwych i bob myfyriwr waeth beth fo’i gefndir diwylliannol, profiad addysgol a chyrhaeddiad blaenorol neu ofynion iechyd unigol.  Fodd bynnag, mae amrywiaeth yn peri her ddeuol i staff addysgu: sut mae manteisio i’r eithaf ar amrywiaeth yn yr amgylchedd dysgu a sut i ddiwallu anghenion myfyrwyr unigol?

Yng Nghaerdydd, mae staff yn cael eu cefnogi gan ddeddfwriaeth yn hyn o beth - fel Deddf Cydraddoldeb (2010) a Deddf yr Iaith Gymraeg (1993) - a gwybodaeth a sgiliau ein staff cymorth arbenigol sy’n uchel eu bri. Mae’r cydweithwyr hyn yn cyfrannu at ddatblygiad staff drwy gynnig amrywiaeth o gyfleoedd datblygu fel sesiynau pwrpasol i dimau yn ogystal â sesiynau hyfforddi a drefnir yn ganolog.

Mae’r pwnc hwn yn cynnig enghreifftiau o sut y gall egwyddorion dylunio cyffredinol gael eu defnyddio mewn dysgu ac addysgu i gefnogi a gwella profiad y boblogaeth gynyddol amrywiol o fyfyrwyr mewn Addysg Uwch.