Prifysgol Waikato - Te Whare Wãnanga o Waikato

Tu allan y Ganolfan y Myfyrwyr ym Mhrifysgol Waikato - Te Whare Wãnanga o Waikato

Mae'r Bartneriaeth Strategol gyda Phrifysgol Waikato, sy'n adeiladu ar ein cytundeb cyfnewid myfyrwyr llwyddiannus, yn fanteisiol i staff a myfyrwyr fel ei gilydd yn y ddwy brifysgol, gan gynnwys cydweithio gwell ym maes ymchwil, gweithgareddau addysgu tymor byr a hirdymor a phlatfformau cydweithredol, yn ogystal â chyfleoedd i'n gwasanaethau proffesiynol gael gweithio gyda'i gilydd.

Mae’r Bartneriaeth Strategol eisoes wedi ysgogi gweithgareddau cydweithio cyffrous yn y meysydd canlynol sy’n ymwneud â dysgu ac addysgu:

Iaith, Diwylliant a’r Celfyddydau
Deallusrwydd Artiffisial a Gwyddor Data (Roboteg)
Busnes a Rheoli
Dŵr, yr Amgylchedd a Newid yn yr Hinsawdd

Oherwydd cysylltiadau diwylliannol a daearyddol cryf y ddwy brifysgol, mae partneriaeth strategol rhyngwladol yn parhau i sicrhau manteision dinesig ehangach i Gymru a Seland Newydd fel ei gilydd.

Rydyn ni’n croesawu cydweithio mewn partneriaeth ym mhob maes pwnc; darllenwch ragor i wybod sut gallwch chi gymryd rhan.

2021

Llofnodwyd Cytundeb Partneriaeth Strategol

c£135k

Dyfarnwyd mewn cronfeydd sbarduno partneriaeth CU-Waikato

30+

Mae myfyrwyr wedi ymweld â Waikato ar raglenni cyfnewid

Cronfa Sbarduno Caerdydd-Waikato

Cafodd y gronfa ei sefydlu i gefnogi datblygiad y Bartneriaeth Strategol rhwng Prifysgol Caerdydd a Phrifysgol Waikato. Bydd y gronfa’n helpu staff i wneud ymchwil ar y cyd. Bydd hefyd yn galluogi staff yn y gwasanaethau addysgu a/neu broffesiynol i ddatblygu prosiectau sy’n sicrhau canlyniadau clir a llwybr i ddatblygu a chynnal y cydweithredu sy’n digwydd.

Rhagor o wybodaeth am y gronfa sbarduno a sut i wneud cais

Ynglŷn â Phrifysgol Waikato

Cafodd Prifysgol Waikato ei sefydlu ym 1964. Ers hynny, mae wedi dod yn brifysgol gynhwysfawr ac iddi hunaniaeth Maori gref a chymuned gref o fyfyrwyr. Mae’n cael ei harwain gan ymchwil ac yn canolbwyntio ar ddatblygu cynaliadwy. Mae'n brifysgol uchelgeisiol sydd â 13,000 o fyfyrwyr a 1,500 o staff. Mae gan Brifysgol Waikato ddau gampws ar Ynys Ogleddol Seland Newydd, sef Hamilton a Tauranga. Mae ganddi hefyd Sefydliad ar y Cyd yn Hangzhou, Tsieina.

Mae Prifysgol Waikato wedi'i rhannu'n bum grŵp o Ysgolion a Chyfadrannau:

Yn debyg i Brifysgol Caerdydd, mae Prifysgol Waikato wedi sefydlu nifer o Sefydliadau Ymchwil rhyngddisgyblaethol. Mae gan nifer o'r rhain synergeddau â Sefydliadau Ymchwil Prifysgol Caerdydd a'n meysydd ymchwil strategol cryf, gan gynnwys:

Seremoni Arwyddo’r Bartneriaeth Strategol

Cafodd ein partneriaeth ei lansio’n ffurfiol mewn digwyddiad ar-lein ac wyneb-yn-wyneb ar 10 Tachwedd 2021.

Gallwch chi wylio’r digwyddiad lansio ar YouTube.

Nod y digwyddiad lansio oedd codi ymwybyddiaeth staff a myfyrwyr o’r bartneriaeth, cydnabod llwyddiannau hyd yma a chreu cysylltiadau pellach ar draws ein sefydliadau. Ymhlith y siaradwyr gwadd roedd:

Yr Athro Colin Riordan, Llywydd ac Is-Ganghellor, Prifysgol Caerdydd ar y pryd
Yr Athro Neil Quigley, Is-Ganghellor, Prifysgol Waikato
Y Gwir Anrhydeddus Mark Drakeford AS, Prif Weinidog Cymru
Jeremy Miles AS, Gweinidog y Gymraeg ac Addysg
Yr Anrhydeddus Aupito William Sio, Gweinidog Pobl Ynysoedd y Môr Tawel a Gweinidog y Llysoedd. Gweinidog Cyswllt dros Faterion Tramor, Gweinidog Cyswllt dros Addysg (Pobl Ynysoedd y Môr Tawel), Gweinidog Cyswllt dros Gyfiawnder, Gweinidog Cyswllt dros Iechyd (Pobl Ynysoedd y Môr Tawel)
Ei Hardderchogrwydd Ms Laura Clarke, Uchel Gomisiynydd y Deyrnas Unedig i Seland Newydd
Shannon Austin, Dirprwy Uchel Gomisiynydd Seland Newydd i’r Deyrnas Unedig
Grant McPherson, Prif Weithredwr, Education New Zealand
Harvey Griffiths a Katie Drennan, cyn-fyfyrwyr cyfnewid

Cytundeb Cyfnewid Myfyrwyr

Mae gan Brifysgol Caerdydd a Phrifysgol Waikato gytundeb gweithredol yn ei le o ran cyfnewid myfyrwyr.

Yn sgil Cytundebau Cyfnewid Myfyrwyr caiff myfyrwyr yn y ddwy brifysgol ymgymryd â chyfnewid am semester neu flwyddyn i astudio neu ymchwilio dramor yn y sefydliad sy’n bartner.

I gael rhagor o wybodaeth am y cytundeb cyfnewid myfyrwyr gyda Waikato, cysylltwch â: