Prifysgol Technoleg Dalian
Ar 15 Medi 2022, yn y flwyddyn a oedd yn nodi 50 mlynedd o gysylltiadau diplomyddol rhwng Tsieina a’r DU, ymrwymodd Prifysgol Caerdydd a Phrifysgol Technoleg Dalian yn Tsieina i Bartneriaeth Blaenoriaeth.
Mae'r bartneriaeth blaenoriaeth hon yn ehangu ar bartneriaeth 35 mlynedd gyda Phrifysgol Technoleg Dalian a ffurfiolwyd am y tro cyntaf yn 2018 yn sgil Memorandwm Cyd-ddealltwriaeth.
Mae’r Bartneriaeth Blaenoriaeth gyda Phrifysgol Technoleg Dalian yn cefnogi rhaglenni academaidd ar y cyd yn ogystal â rhaglenni cyfnewid i’r staff a’r myfyrwyr.
Y meysydd addysg ac ymchwil cychwynnol ar gyfer y bartneriaeth oedd:
- Cemeg a pheirianneg gemegol
- Peirianneg (yr amgylchedd adeiledig, peirianneg arfordirol a pheirianneg electronig)
- Gwyddor a systemau data
- Deallusrwydd artiffisial
- Logisteg ddeallus
- Mathemateg ariannol
- Gwyddorau'r Ymennydd
Ynghylch Prifysgol Technoleg Dalian
Prifysgol genedlaethol allweddol a weinyddir yn uniongyrchol gan Weinyddiaeth Addysg Tsieina ac a noddir gan Brosiectau 211 a 985 yw Prifysgol Technoleg Dalian, a sefydlwyd ym 1949. Ym mis Medi 2017, ar ôl cael ei chymeradwyo gan Gyngor y Wladwriaeth, dewiswyd Prifysgol Technoleg Dalian yn rhan o Gynllun “Dosbarth Cyntaf Dwbl” yn unol â Chategori A. Mae gan Brifysgol Technoleg Dalian dair disgyblaeth sy’n rhan o’r Dosbarth Cyntaf Dwbl: mecaneg, peirianneg fecanyddol a pheirianneg gemegol.
Mae Prifysgol Technoleg Dalian wedi creu system amlddisgyblaethol sy'n canolbwyntio ar wyddoniaeth a pheirianneg ac yn cydlynu disgyblaethau economeg, rheolaeth, y dyniaethau, y gyfraith, athroniaeth a'r celfyddydau. Mae ganddi fwy na 46,000 o fyfyrwyr amser llawn a mwy na 4,000 o aelodau’r staff.
Yn debyg i Brifysgol Caerdydd, mae Prifysgol Technoleg Dalian wedi sefydlu llawer o sefydliadau ymchwil rhyngddisgyblaethol. Mae gan nifer o'r rhain lawer yn gyffredin â sefydliadau ymchwil Prifysgol Caerdydd a'n cryfderau ymchwil strategol, gan gynnwys:
Cronfa Gydweithredu Prifysgol Technoleg Dalian
Sefydlwyd y gronfa hon i gefnogi datblygiad y Bartneriaeth Blaenoriaeth rhwng Prifysgol Caerdydd a Phrifysgol Technoleg Dalian.
Bydd yn cefnogi staff wrth iddynt ddatblygu ymchwil, addysgu a/neu brosiectau ar y cyd yn y gwasanaethau proffesiynol a bydd gan y rhain ddeilliannau clir ac yn datblygu ac yn cynnal y cydweithredu.
Newyddion y Bartneriaeth
O ganlyniad i’r cydweithio agos rhwng y ddau sefydliad, mae ymchwil helaeth ar y cyd wedi dilyn y Memorandwm Cytundeb cychwynnol rhwng y ddau sefydliad; cydweithio sydd bellach yn cwmpasu pob un o dri Choleg Prifysgol Caerdydd.
Cysylltwch â ni
Os bydd ymholiadau yn ymwneud â'r bartneriaeth blaenoriaeth gyda Phrifysgol Technoleg Dalian neu’r cyfle cyllido, cysylltwch â:
Rheolwr Ymgysylltu Partneriaethau Rhyngwladol
Sophie Lewis
Os oes gennych ddiddordeb mewn datblygu perthynas gyda ni a fyddech yn hoffi bod yn bartner, ebostiwch ni gyda manylion o’ch cynnig.