WISH: Arolwg Mewnwelediadau Iechyd yn y Gweithle
Datblygu arolwg i ddysgu mwy am y materion sy'n effeithio ar iechyd a lles myfyrwyr sy'n astudio Nyrsio, Bydwreigiaeth ac Iechyd Perthynol.
Trosolwg o’r mater
Mae gweithwyr proffesiynol ym meysydd nyrsio, bydwreigiaeth ac iechyd perthynol (NMAHPs) yn arbennig o agored i ffactorau amgylcheddol, seicolegol a chymdeithasol sy'n gysylltiedig â mwy o dueddiad i broblemau iechyd meddwl a salwch cyhyrysgerbydol sy'n gysylltiedig â'u maes gwaith.
Dulliau
Bydd y prosiect yn darparu cyllid ar gyfer Cynorthwyydd Ymchwil Ôl-ddoethurol (PDRA) i ddatblygu, llywio a dilysu arolwg sy'n asesu gweithgaredd corfforol, ffordd o fyw, paratoadau corfforol, anafiadau cyhyrysgerbydol, iechyd meddwl, lles a salwch myfyrwyr nyrsio, bydwreigiaeth ac iechyd perthynol cyn-gofrestru. Bydd tua 300 o fyfyrwyr cyn-gofrestru o Brifysgol Caerwysg (Nyrsio a Delweddu Meddygol) a Phrifysgol Caerdydd (Ffisiotherapi,Therapi Galwedigaethol, Nyrsio, Bydwreigiaeth, Radiograffeg Ddiagnostig, a Radiotherapi) yn cymryd rhan yn y rhaglen dreialu hon.
Effaith
Wedi iddo gael ei ddatblygu, bydd yr arolwg yn cael ei roi ar waith yn genedlaethol, gan ddilyn myfyrwyr gydol eu gyrfa, er mwyn creu’r set ddata NMAHP fwyaf yn y DU. Bydd yn cynnwys y ffactorau hynny sy'n dylanwadu ar gadw staff ac iechyd cyffredinol y gweithlu, gan lywio datblygu ymyrraeth a llunio polisïau yn y pen draw at ddibenion gwella lles staff.
Cyllid
Ariennir y prosiect hwn gan Gynghrair GW4
