Cydnabod y ffactorau sy'n dylanwadu ar y nifer sy'n cael brechiad HPV ym Mwlgaria, Croatia a Rwmania
Os bydd 80% o fechgyn a merched yn cael brechiad, mae’n bosibl y caiff HPV ei ddileu’n llwyr.
Mae'r feirws papiloma dynol (HPV) yn gysylltiedig â bron pob achos o ganser ceg y groth, 90% o ganserau yr anws, a chanran sylweddol o ganser oroffaryngeaidd, y pidyn, gwain a'r fwlfa.
Fodd bynnag, os bydd 80% o ddynion a merched yn eu harddegau yn cael brechiad HPV, gellir osgoi’r rhan fwyaf o ganserau sy’n gysylltiedig â HPV drwy ymgyrchoedd sgrinio a brechu. Yn anffodus, mae gwledydd yn methu â chyrraedd y nod hwn.
Ar hyn o bryd mae gan Rwmania, Bwlgaria a Croatia gyfraddau derbyn isel iawn o'r brechiad, er bod newidiadau diweddar wedi gwella mynediad. Mae dealltwriaeth i'r ffactorau sy'n hybu ac yn rhwystro'r nifer sy'n cael y brechiad HPV yn y gwledydd hyn yn hollbwysig.
Fel tîm, rydyn ni wedi gwneud gwaith yn y maes hwn eisoes ac rydyn ni wedi ein gwahodd a'n hariannu, gan Sefydliad Canser Ewrop, i nodi a chynnal adolygiad o'r holl ymchwil presennol ar y nifer sy'n derbyn brechiad HPV ym mhob un o'r tair gwlad hyn. Rydyn ni hefyd yn gweithio gyda thîm o randdeiliaid allweddol ym mhob gwlad i sicrhau bod gyda ni ddealltwriaeth fanwl o'r cyd-destunau lleol.
Gyda'n gilydd, bydd y gwaith hwn yn ein galluogi i wneud argymhellion a fydd yn llywio strategaethau'r dyfodol i gynyddu cyfran y bobl ifanc sy'n derbyn y brechiad HPV.
Cyllid
Mae'r prosiect hwn yn cael ei ariannu gan Sefydliad Canser Ewrop (ECO), Gwlad Belg.
