TRACT: Gwneud gwaith anweledig, yn weladwy
Mae TRACT yn adnodd digidol sy'n helpu nyrsys i asesu, mesur a chynllunio gwaith rheoli llwybrau gofal.
Cefndir
Adnodd digidol ar gyfer asesu, mesur a chynllunio gwaith rheoli llwybrau gofal yw TRACT.
Mae rheoli llwybrau gofal yn cyfeirio at y gwaith mae nyrsys yn ei wneud o ran trefnu a chydlynu gofal cleifion. Er gwaethaf ei bwysigrwydd i ansawdd a diogelwch gofal iechyd, mae rheoli llwybrau gofal yn elfen anweledig, i raddau helaeth, o ymarfer nyrsio. Ni chyflwynwyd iaith i nyrsys ar gyfer disgrifio’r gwaith hwn, nid yw’n cael ei gefnogi gan systemau cynllunio ffurfiol, ac nid yw wedi’i gynnwys ymhlith methodolegau gweithluoedd sy’n pennu lefelau diogel o staff nyrsio.
Mae TRACT wedi cael ei ddatblygu gan nyrsys, gyda nyrsys, ar gyfer nyrsys.
Mae'n adeiladu ar ymchwil Allen a archwiliodd, a hynny am y tro cyntaf, y gydran sefydliadol sydd ynghlwm â’r rôl nyrsio. Arweiniodd hyn at ddatblygu fframwaith cysyniadol at ddibenion mynegi'r gydran hon o ymarfer nyrsio.
Mae TRACT wedi’i ddatblygu drwy ymgysylltu â defnyddwyr (uwch nyrsys BIP Caerdydd a’r Fro, grŵp cynghori rhyngwladol, arweinwyr polisi Cymru). Mae’n cynnwys y canlynol:
- Cymhwysiad digidol ar y we (E-TRACT)
- Pecyn Gweithredu TRACT
- Gwefan benodedig
Canlyniadau astudio
Mae'r prosiect yn mynd rhagddo, ac astudiaeth beilot ffurfiol yn cael ei chynllunio ar hyn o bryd.
Cyllid
Ariennir y prosiect hwn gan Gyfrifon Cyflymu Effaith y Cyngor Ymchwil Economaidd a Chymdeithasol (ESRC).
