Derbynioldeb asesu symudiad o bell mewn pobl â haemoffilia
Asesu addasrwydd dadansoddi symudiad o bell mewn pobl â hemoffilia i roi gwybodaeth am y risg o gwympo.
Y Cefndir
Wrth i ofal iechyd ddatblygu, mae disgwyliad oes pobl â haemoffilia wedi cynyddu.
Mae newidiadau sy'n gysylltiedig ag oedran bellach yn bresennol yn y boblogaeth hon, gan gynnwys gwendid, llai o gydbwysedd ac ofn cwympo.
Mae cwympo yn fwy cyffredin yn y grŵp hwn o bobl a gallant gael canlyniadau mwy difrifol o ganlyniad i waedu trawmatig. Mae'n bwysig ceisio lleihau'r risg o gwympo yn y boblogaeth hon. Serch hynny, nid oes cytundeb ar sut i fesur neu fonitro'r risg o gwympo.
Amlinelliad o’r astudiaeth
Nod yr astudiaeth hon yw trin a thrafod pa mor rhwydd yw’r feddalwedd dadansoddi symudiad i’w defnyddio yng nghartref yr unigolyn wrth wneud mesuriadau syml o symudiadau.
Y prawf codi a symud wedi’u hamseru (TUAG) yw hwn. Mae’n cael ei ddefnyddio i asesu symudedd a chydbwysedd. Yn ystod y prawf, mae’r unigolyn yn codi o’i gadair, yn cerdded 3m, yn troi ac yn dychwelyd i eistedd yn y gadair, gan ddefnyddio unrhyw gymhorthion cerdded sydd eu hangen.
Yna gofynnir i'r unigolion roi adborth ar sut roedden nhw'n teimlo wrth ddefnyddio'r dechnoleg yn eu cartref. Byddwn yn cynnal cyfweliadau i gasglu adborth. Bydd yr astudiaeth yn cael ei ddefnyddio i benderfynu a yw hyn yn ffordd addas o fesur a monitro'r risg o gwympo mewn pobl â hemoffilia mewn ymchwil bellach yn eu cartrefi.
Cyllid
Ariennir y prosiect hwn gan y Gymdeithas Ewropeaidd Haemoffilia ac Anhwylderau Cysylltiedig - Grant Ymchwil i Weithwyr Proffesiynol sy’n Gysylltiedig â Byd Iechyd 2023.
Prif ymchwilydd
Mae'r prosiect hwn yn cael ei arwain gan Louise Crossley (Bwrdd Iechyd Prifysgol Caerdydd a'r Fro) ac yn cael ei oruchwylio gan yr Athro Kate Button.
