Canolfan Cymru ar gyfer Gofal sy'n Seiliedig ar Dystiolaeth

Rydyn ni’n hyrwyddo arferion sy'n seiliedig ar dystiolaeth drwy ddatblygu a gwerthuso systemau rhagorol rhyngwladol ar gyfer arfarnu tystiolaeth, trosi’r dystiolaeth honno ac yna’i rhoi ar waith.

Canolfan Cymru ar gyfer Gofal sy'n Seiliedig ar Dystiolaeth (WCEBC), Canolfan Ragoriaeth JBI.

Nod y Ganolfan yw hwyluso gweithwyr gofal iechyd proffesiynol i weithredu ymarfer sy’n seiliedig ar dystiolaeth er mwyn rhoi’r gofal gorau posibl i gleifion drwy becynnau hyfforddiant.

Ym mis Ebrill 2023, ynghyd â phum canolfan arall ledled Cymru, cafodd Canolfan Cymru ar gyfer Gofal sy’n Seiliedig ar Dystiolaeth ei chomisiynu gan y Ganolfan Dystiolaeth Ymchwil Iechyd a Gofal Cymru i gasglu tystiolaeth sy’n ateb y cwestiynau sydd o flaenoriaeth ynglŷn â pholisi ac ymarfer yng Nghymru tan fis Mawrth 2028.

Mae’r Ganolfan Dystiolaeth Ymchwil Iechyd a Gofal Cymru yn gweithio gyda rhanddeiliaid sy'n ymwneud ag iechyd a gofal cymdeithasol ledled Cymru, er mwyn deall effaith y pandemig ar y systemau sy’n darparu iechyd a gofal yng Nghymru, ac i flaenoriaethu cwestiynau y gall eu hateb drwy dystiolaeth ymchwil, ac i sicrhau bod y dystiolaeth orau sydd ar gael yn gyfoes ac yn berthnasol er mwyn cyfeirio ato wrth wneud penderfyniadau.

Cysylltu a Chyd-gyfarwyddwyr