Cofrestru ac archebu tocynnau

Diweddarwyd: 11/07/2024 08:51

Gwybodaeth ar sut i gofrestru ar gyfer graddio ac archebu tocynnau.

Mae archebu bellach wedi cau, ac nid yw tocynnau ar gael bellach. Y dyddiad cau oedd dydd Mawrth, 18 Mehefin 2024.

Mae angen tocyn ar raddedigion a gwesteion i gymryd rhan mewn seremoni raddio Ysgol yn Arena Utilita a'i digwyddiad derbyn yng Ngerddi Graddio Rhodfa'r Brenin Edward VII. Mae'r un tocyn yn cael ei ddefnyddio i fynd i mewn i'r ddau ddigwyddiad.

Bydd gwiriadau diogelwch llym a chwiliadau yn cael eu cynnal ym mhob lleoliad Graddio.

Sylwch fod yn rhaid i blant dros 2 oed gael tocyn ar gyfer seremonïau a digwyddiadau derbyn yr ysgol, ac ni chaniateir anifeiliaid anwes.

Tocynnau digidol

Mae tocynnau digidol wedi'u e-bostio at yr holl raddedigion (o 10 Gorffennaf). Os nad ydych wedi derbyn yr e-bost hwn neu os oes gennych unrhyw broblemau, cysylltwch â Marston Events. Rydyn ni’n argymell lawrlwytho’r tocynnau ymlaen llaw er mwyn osgoi problemau ar y diwrnod o ran Wi-Fi.

Dyrennir pob sedd ymlaen llaw a byddant yn cael eu manylu ar docynnau digidol. Oherwydd nifer yr ymwelwyr Graddio, ni ellir newid seddi ac ni ddylid rhannu tocynnau.

Wrth gyrraedd Arena Utilita byddwch yn ymwybodol y bydd chwiliadau bagiau yn cael eu cynnal, ac ni chaniateir cadeiriau gwthio yn yr arena - ond mae parc bygi ar gael.

Rhagor o wybodaeth am Arena Utilita.

Darllediadau byw

I unrhyw un sy'n methu â chymryd rhan seremonïau Graddio yn bersonol, byddant yn cael eu darlledu'n fyw ar-lein ac yn Undeb y Myfyrwyr. Darperir dolenni You Tube a Weibo i ddarllediadau byw yr wythnos cyn Graddio.

Methu mynd

Dyma argymell eich bod chi’n mynd i’ch seremoni raddio dim ond os ydych chi wedi cwblhau eich cwrs yn llwyddiannus. Os ydych chi wedi cadw lle ond heb lwyddo yn eich cwrs ac angen ailsefyll arholiadau neu eich blwyddyn olaf, cysylltwch â ni i drafod eich amgylchiadau ac ad-daliadau posibl.

Os byddwch chi'n profi amgylchiadau personol difrifol wrth i wythnos y Seremonïau Graddio nesáu, neu yn ystod yr wythnos ei hun, efallai y byddwch chi’n gymwys i gael ad-daliad ar gyfer cost eich gwisg graddio ac unrhyw docynnau ychwanegol rydych chi wedi'u prynu.

I fod yn gymwys am ad-daliad, bydd angen i chi ddarparu gwybodaeth am eich amgylchiadau a dangos eu bod nhw’n ddifrifol/eithriadol, nad oedd modd eu rhagweld na’u hosgoi; a’u bod wedi digwydd yn agos at amser y Seremoni Raddio, neu lle gallwch chi arddangos bod yr amgylchiadau wedi parhau i gael effaith ar eich gallu i fynd i’r Seremoni Raddio.

E-bostiwch ni erbyn hanner nos ddydd Gwener 19 Gorffennaf i ofyn am ad-daliad registrysupport@caerdydd.ac.uk