Labordy mesureg Renishaw
Mae gan y cyfleuster hwn systemau mesur o'r radd flaenaf at ddibenion gweithgareddau addysgu ac ymchwil. Mae'n seiliedig ar waith hirsefydlog ar y cyd rhwng yr Ysgol Peirianneg a chwmni Renishaw a ddarparodd gyfarpar mesur sy'n arwain y byd, ac maen nhw’n cefnogi’r cyfarpar hwn o hyd.
Cyfarpar cydlynu peiriannau mesur (CMM)
CMM ar raddfa ddiwydiannol â rheolydd Renishaw a system pen a chwiliedydd mesur aml-echel REVO-2. Yn rhan o hyn mae system mesur gorffeniadau wyneb SFP2 sy'n cefnogi’r gallu i gynnig mesuriadau untro.
Yn sgîl dwy system fedryddu hyblyg Equator 300 a phecynnau gosodion mae modd rhoi uwch-fesuriadau hyblyg mewn pecyn hawdd ei ddefnyddio a grymus.
Mae trwyddedau lluosog ar gyfer meddalwedd MODUS a chymorth ar gyfer cymwysiadau REVO ac Equator yn golygu bod modd symud y cymwysiadau mesur o'r CMM i systemau Equator.
Gwirio perfformiad offerynnau peirianyddol
System bar peli ddi-wifr QC20-W sy’n mesur perfformiad lleoli offeryn peirianyddol gan CNC yn unol â safonau rhyngwladol cydnabyddedig.
Defnyddio chwiliedydd yn achos offer peirianyddol, systemau darnau gwaith a gosod offer sy'n gysylltiedig â CNC Recorder sy’n darparu galluoedd monitro prosesau mewn amser real.
Galluogi Ymchwil
Mae swyddogaethau CMM yn sail i ymchwil barhaus yn y Labordai Monitro Gweithgynhyrchu a Chyflyrau Adiol sydd wedi'u cydleoli. Mae hyn yn cynnwys prosiectau PhD cyfredol yn ogystal â’r rheiny a gwblhawyd yn ddiweddar:
Theocharis Alexopoulos, Dylunio a Goruchwylio Prosesau: Dull Efelychu Cenhedlaeth Nesaf o weithgynhyrchu digidol.
Jacob Hill, ‘Optimisation of Tool Life through Novel Data Acquisition and Decision Making Techniques’. Ariennir ar y cyd yn sgîl dyfarniad gan yr EPSRC ac iCASE gan Renishaw.
Paul O'Regan, ‘Process Capability Management for Additive Manufacturing’. Ariennir ar y cyd yn sgîl dyfarniad gan EPSRC ac iCASE gan Renishaw.
Zinah Ahmed, ‘An Integrated Approach to Tool Life Management’.
Addysgu â chymorth
Mae cael defnyddio’r system hon wedi cyflwyno uwch-dechnoleg CMM i fyfyrwyr ar bob lefel. Gellir eu defnyddio yn unol ag anghenion y cymhwysiad ac mae hyn yn golygu eu bod yn ddelfrydol ar gyfer prosiectau addysgu ac ymchwil israddedig ac ôl-raddedig. Mae pob myfyriwr israddedig a meistr ym maes Peirianneg Fecanyddol wedi ymgymryd â gwaith o dan yr amgylchiadau hyn yn ystod ei astudiaethau.
