Mecaneg aml-ffiseg

Mae mecaneg aml-ffiseg yn defnyddio dull amlddisgyblaethol o fodelu ac efelychu deunyddiau a systemau newydd at ystod eang o ddibenion.

Trosolwg

Mae mecaneg aml-ffiseg yn cofleidio ymchwil sy’n cynnwys hafaliadau cyfansoddol y mae eu meysydd annibynnol yn disgrifio dau neu ragor o’r ymddygiadau canlynol: meysydd elastig, thermol, cemegol, ffrithiant, trawiadau, hylifau, aml-wedd, trydanol a magnetig.

Ein nodau

Ein nod yw cynyddu diddordeb ym maes ymchwil mecaneg aml-ffiseg, er mwyn arwain at greu rhwydwaith rhyng-golegol ar gyfer cydweithio ar ymchwil.

Ein meysydd ymchwil

polymerau sy’n weithredol yn drydanol ac yn fagnetig (gweithredu a chynaeafu ynni)
ymddygiad aml-wedd deunyddiau biolegol
cyfansoddion nanoronynnol
effeithiau magnetig-thermol-elastig mewn aloïau metel
metaddeunyddiau lled-grisialog a thopolegol
dulliau elfennol meidrol uwch ar gyfer problemau aml-radd/aml-wedd mewn mecaneg solidau
deunyddiau hunaniachaol
mecaneg aml-ffiseg deunyddiau wedi’u gweithgynhyrchu’n ychwanegol
difrod mewn deunyddiau niwclear ac iddynt strwythur wedi’i arbelydru
geomecaneg aml-wedd
dulliau cyfrifiadurol mewn dynameg hylifol
llifoedd rhyngwynebol ac aml-wedd
rhyngweithio rhwng hylifau a strwythurau
hylifau an-Newtonaidd
microhylifau a dibenion peirianneg feddygol

Ein prosiectau presennol

Cymrodoriaeth ymweliadol nodedig yr Academi Beirianneg Frenhinol (RAEng), yr Athro L. Dorfmann (yr Athro M. Gei).
Grant gan Gyngor Ymchwil y Gwyddorau Ffisegol a Pheirianneg (EPSRC): monitro hydrodynameg a morffoleg afonydd yn gyflym drwy ddefnyddio holograffeg (Dr. Z. Xie).
Prosiect gan Gronfa Newton: Gweithdy Tsieina-DU am systemau ynni adnewyddadwy arfordirol ac alltraeth o dan amgylchiadau eithafol (Dr. Z. Xie).
Grant gan Raglen EPSRC: deunyddiau gwydn ar gyfer bywyd (yr Athro A. D. Jefferson).
Cymrodoriaeth gan Marie Skłodowska-Curie Actions (MSCA) a ariennir ar y cyd, efelychu effeithiau ymbelydredd ar ddeunyddiau strwythurol niwclear ac awyrofod (SRENASM), Dr O Noorikalkhoran (yr Athro M Gei).
Cymrodoriaeth COFUND MSCA, Mecaneg a phrosesau dynamig mewn deunyddiau lled-gyfnodol (MeDyQuaM), Dr L Morini (yr Athro M Gei).