Cymrodoriaethau Ymchwil Gwadd
Rydym yn annog cynnig Cymrodoriaethau gwadd i ymchwilwyr ac ysgolheigion a fydd yn cyfrannu at fywyd deallusol ein Hysgol.
Rydym yn cynnig gweithle cyfeillgar er mwyn ymgysylltu â staff a myfyrwyr presennol, a hynny’n rhad ac am ddim. Gellir cynnig cymrodoriaeth am gyfnodau rhwng 2 wythnos a 3 blynedd ac mae'n rhaid i Yr Athro Ian Hall, Pennaeth yr Ysgol eu cymeradwyo.
Rydym yn Ysgol ryngddisgyblaethol sy'n ymroddedig i ymchwil ym maes gwyddorau’r ddaear a’r amgylchedd. Rydym yn ymdrechu i gyflawni'r safonau uchaf ym maes ymchwil ac addysg yn ogystal â chynnig diwylliant cyfoethog ac amrywiol dan arweiniad ymchwil ac sy’n derbyn cymorth ein grwpiau a’n canolfannau ymchwil.
Y cynlluniau sydd ar gael
Cyfle am gyllid - Cymrodoriaethau Unigol Marie Skłodowska-Curie
Cynllun cymrodoriaethau ôl-ddoethurol cystadleuol yw Cymrodoriaethau Unigol Marie Skłodowska-Curie sydd â'r nod o wella gyrfaoedd ymchwil yn sgil prosiect ymchwil a ariennir yn llawn am ddwy flynedd.
Os ydych chi'n ymchwilydd ôl-ddoethurol o safon neu'n ymchwilydd profiadol â chysylltiadau Ewropeaidd neu fyd-eang a hoffai arallgyfeirio a meithrin sgiliau a gwybodaeth newydd, llenwch fynegiant o ddiddordeb.
Uwch-gymrodoriaethau Ymchwil Gwadd
Mae'r Cymrodoriaethau hyn ar gael i ysgolheigion nodedig yn eu maes sydd â phroffil rhyngwladol sefydledig. Maen nhw'n cael eu dyfarnu'n gystadleuol ac nid oes angen unrhyw ffioedd mainc ar gyfer ymgeiswyr llwyddiannus. Fel arfer, bydd yr Ysgol yn dyfarnu 3 neu 4 o'r Cymrodoriaethau hyn ar unrhyw adeg. Bydd y Cymrodoriaethau hyn yn para am unrhyw gyfnod rhwng 2 wythnos a 3 blynedd.
Fel arfer, bydd statws 'gwadd' ond yn cael ei gynnig i aelodau cyfadrannol mewn sefydliadau eraill, naill ai yn y DU neu dramor, y rheini sy'n gweithio yn y sectorau cyhoeddus neu breifat, neu ymgynghorwyr ymchwil hunangyflogedig.
Cymrodoriaethau Ymchwil Gwadd
Mae'r Cymrodoriaethau hyn yn agored i bob ysgolhaig sy'n dymuno treulio amser yn yr Ysgol neu feithrin cysylltiadau cryfach â'i staff. Bydd y Cymrodoriaethau hyn yn para am unrhyw gyfnod rhwng 2 wythnos a 3 blynedd.
Mae'r rhaglen hon yn addas ar gyfer:
- ysgolheigion ôl-ddoethurol/profiadol sy'n dymuno cynnal ymchwil ym Mhrifysgol Caerdydd a chymryd rhan yn ein diwylliant ymchwil
- myfyrwyr ymchwil ôl-raddedig sydd wedi’u cofrestru ar hyn o bryd am MPhil neu PhD mewn prifysgolion yn y DU neu’r tu allan iddi
- myfyrwyr sy'n dymuno paratoi i astudio PhD (cysylltwch â ni i gyflwyno eich cynnig)
Rydym hefyd yn hapus i drafod lefelau ychwanegol o gydweithio, gan gynnwys cymorth i ddatblygu ceisiadau am gymrodoriaethau allanol, ariannu ysgoloriaethau PhD ar y cyd i ysgolheigion sy'n dod â chymrodoriaethau wedi'u hariannu i'r Ysgol.
Fel arfer, dylai myfyrwyr presennol fod wedi cwblhau un neu ddwy flynedd o astudiaeth ddoethurol ac mae'n rhaid iddynt gael cefnogaeth lawn eu sefydliad cartref.
Mae Cymrodyr Ymchwil Gwadd o’r tu allan i'r UE yn gyfrifol am wneud cais am y fisa cywir.
Hyd yr astudiaeth
Bydd Cymrodyr Ymchwil Gwadd yma am bythefnos o leiaf, a chânt gyrchu cyfleusterau rhagorol, gan gynnwys gwasanaethau llyfrgelloedd y Brifysgol a seminarau ymchwil arbenigol. Bydd hyd eich arhosiad yn dibynnu ar raddfa'r ymchwil yr hoffech ei gwneud a pha un y gall yr Ysgol ei hwyluso. Mae modd eich gwahodd fesul mis neu fesul term academaidd.
Gallwn helpu i drefnu llety drwy gydol eich arhosiad ym mhreswylfeydd y Brifysgol, a gallwn ni hefyd roi cyngor ar lety yn y sector preifat.
Sut i wneud cais
Bydd gofyn ichi gynnwys y dogfennau canlynol ynghlwm wrth eich cais:
- cynnig ymchwil ar gyfer y cyfnod astudio arfaethedig, gan gynnwys cynllun ymchwil realistig a manwl ar gyfer cyfnod arfaethedig yr ymweliad
- cyfiawnhad byr dros ein dewis ar gyfer eich ymweliad, gan egluro perthnasedd y gwaith arfaethedig i'n grwpiau/themâu ymchwil
- curriculum vitae academaidd
Mae croeso ichi gysylltu ag yr Athro Ian Hall, Pennaeth yr Ysgol i drafod yr opsiynau. Mae pob ymweliad arfaethedig yn amodol ar gymeradwyaeth ysgrifenedig Pennaeth yr Ysgol.
Wrth dderbyn Cymrodyr Ymchwil Gwadd, byddwn yn ystyried:
- gallu cymrodyr i gyflawni eich amcanion ymchwil neu astudio
- potensial cymrodyr i wneud cyfraniad cadarnhaol at ddiwylliant ymchwil cyffredinol yr Ysgol drwy gymryd rhan mewn digwyddiadau ac ymwneud ag aelodau’r staff a'r gymuned ôl-raddedig
- ein gallu i integreiddio Cymrodyr Ymchwil Gwadd yn rhan o’r diwylliant ymchwil
Rhaglen Ysgolheigion Ymchwil Gwadd
Mae Raglen Ysgolheigion Ymchwil Gwadd yr Ysgol wedi hen ennill ei phlwyf ac mae’n cyfrannu at feithrin cyfnewid syniadau a safbwyntiau mewn ffordd ddeinamig. Dros y blynyddoedd, mae hi wedi bod yn fraint cael cynnal ymchwilwyr ac ysgolheigion nodedig o bob cwr o'r byd, ac mae pob un yn gadael argraff barhaol ar ddiwylliant deallusol yr Ysgol.
Gan eich bod yn ysgolhaig gwadd, byddwch yn rhan o ddiwylliant a gweithle croesawgar, ac rydym yn eich annog i fynd ati i feithrin cysylltiadau â'r staff academaidd. Bydd hyd yr ymweliadau yn amrywio rhwng pythefnos a chyfnod hirach o dair blynedd, yn amodol ar gymeradwyaeth gan Bennaeth yr Ysgol.
Rydym yn Ysgol ryngddisgyblaethol sy'n ymroddedig i ymchwil ym maes gwyddorau’r ddaear a’r amgylchedd. Rydym yn ymdrechu i gyflawni'r safonau uchaf o ran ymchwil ac addysg yn ogystal â chynnig amgylchedd cyfoethog ac amrywiol a arweinir gan ymchwil, ar y cyd â’r saith canolfannau ymchwil sydd gennym.
Sut i wneud cais
Er mwyn cychwyn ar y daith academaidd gyfoethog hon, anfonwch y manylion isod i’n Swyddfa Ymchwil at ddibenion asesu - EarthResearch@caerdydd.ac.uk:
- Cynnig ymchwil ar gyfer y cyfnod astudio a fwriedir, gan gynnwys cynllun ymchwil realistig a manwl ar gyfer cyfnod arfaethedig eich ymweliad
- Cyfiawnhad byr dros ein dewis ar gyfer eich ymweliad, gan egluro perthnasedd y gwaith arfaethedig i'n grwpiau/themâu ymchwil
- Curriculum vitae academaidd.
Os bydd angen eglurhad pellach arnoch neu os oes gennych gwestiynau, mae croeso mawr ichi gysylltu â’n Swyddfa Ymchwil drwy ebostio EarthResearch@caerdydd.ac.uk. Sylwer bod pob ymweliad arfaethedig yn dibynnu ar gymeradwyaeth gan Bennaeth yr Ysgol, ac yn anffodus ni allwn gyfrannu’n ariannol at gost eich ymweliad.
Meini prawf derbyn
Wrth estyn gwahoddiad i raglen Cymrodorion Ymchwil Gwadd, byddwn yn ystyried y canlynol:
- cyflawni Amcanion Ymchwil: Byddwn yn mesur dichonoldeb eich amcanion ymchwil neu astudio arfaethedig, gan sicrhau eu bod yn cyd-fynd â’n themâu a'n canolfannau ymchwil
- cyfraniad Posibl i’r Diwylliant Ymchwil: Rydym yn rhoi pwys mawr ar botensial eich presenoldeb i gryfhau diwylliant ymchwil ehangach yr Ysgol. Fe’ch anogir yn gryf i gymryd rhan amlwg yn ein digwyddiadau, gan fynd ati i ymwneud yn ystyrlon â’r staff academaidd
- y cyllid sydd ar gael ichi a'n gallu i gyfuno eich ymweliad yn rhan o’n diwylliant ymchwil
Edrychwn ymlaen at eich croesawu i'r Ysgol a chael cychwyn ar y daith ddeallusol hon gyda chi.
Work with us in addressing fundamental questions relating to the evolution of our planet.