Menter 'Dannedd Siarad'

Gweithdai addysgol

Mae ein tîm, sy'n cynnwys myfyrwyr deintyddol cyfredol a staff academaidd, yn ymweld ag ysgolion cynradd lleol i gyflwyno gweithdai iechyd y geg i ddisgyblion.

Rydym yn canolbwyntio ar ymweld ag ysgolion mewn cymunedau sydd wedi'u hamddifadu'n gymdeithasol, gan fod nifer y plant sy'n profi caris deintyddol yn yr ardaloedd hyn yn aml yn uwch.

Rydym hefyd yn cynnal gweithdai mewn digwyddiadau lleol sydd wedi'u cynllunio ar gyfer ffoaduriaid, ceiswyr lloches, a'r rhai sy'n byw mewn cymunedau economaidd-gymdeithasol isel, er mwyn sicrhau bod cymaint o blant a theuluoedd â phosibl yn meddu ar y wybodaeth a'r adnoddau i atal clefyd deintyddol.

Ehangu cyfranogiad mewn deintyddiaeth

Mae ymgeiswyr prifysgol o gefndiroedd economaidd-gymdeithasol isel yn llawer llai tebygol o fynd i'r brifysgol, ac maent yn debygol o ennill llai na'u cymheiriaid mwy breintiedig.

Mae ein tîm eisiau helpu i newid hyn, felly yn ystod ein hymweliadau ag ysgolion lleol rydym yn cynnal 'gwersylloedd gyrfaoedd', lle mae ein myfyrwyr deintyddol:

• cynnig awgrymiadau ynghylch gwneud cais i'r brifysgol
• siarad am ddiwrnod ym mywyd myfyriwr deintyddol
• ysbrydoli disgyblion i ystyried gyrfaoedd seiliedig ar wyddoniaeth

Gobeithiwn y bydd y gwersylloedd hyn yn annog cymaint o bobl ifanc â phosibl i ystyried gyrfa yn y proffesiynau deintyddol, ac i ystyried addysg uwch fel cyfle ymarferol a hygyrch.